BjpIndia

ભાજપની સાંસદ પ્રજ્ઞા ઠાકુરે કહ્યું કે, કોંગ્રેસે તાંત્રિક વિધિ કરી એટલે ભાજપના નેતાઓના મોત થયા

ભાજપના અનેક દિગ્ગ્જ નેતાઓ તાજેતરમાં મોતને ભેટ્યા છે ત્યારે ભાજપની સાંસદ પ્રજ્ઞા ઠાકુર ફરી તેના વિવાદાસ્પદ નિવેદનના કારણે ચર્ચામાં આવી છે.  પ્રજ્ઞા ઠાકુરે કહ્યું કે તમામ લોકોના મૃત્યુ પાછળ વિપક્ષનો હાથ છે.તેઓ પાર્ટીના નેતાઓ પર તાંત્રિક ક્રિયાનો પ્રયોગ કરી રહ્યા છે. પ્રજ્ઞા સોમવારે ભાજપ કાર્યાલયમાં અરુણ જેટલી અને મધ્યપ્રદેશના પૂર્વ સીએમ બાબુ લાલ ગૌરની શ્રદ્ધાંજલિ સભામાં આવ્યા હતા ત્યારે આવો બફાટ કર્યો હતો.

પ્રજ્ઞાએ જણાવ્યું કે એક મહારાજાએ મને તાંત્રિકે ક્રિયા વિશે જણાવ્યું હતું.પ્રજ્ઞાના કહ્યાં મુજબ કપરો સમય આવી ગયો છે. હું લોકસભાની ચૂંટણી લડી રહી હતી ત્યારે એક મહારાજજી મારી પાસે આવ્યા હતા. તેમણે કહ્યું કે તમે તમારી સાધનાને બંધ કે ઓછી ન કરતા.વિપક્ષ એક એવું કાર્ય કરી રહ્યો છે.મારણ શક્તિનો ઉપયોગ કરી રહ્યો છે.જેનાથી ભાજપને નુકસાન થઈ શકે છે.જે એવા લોકો પાર અસર કરશે કે જે ભાજપને સંભાળી રહ્યા છે.

સભામાં રાજ્યના ભાજપ અધ્યક્ષ રાકેશ સિંહ, સાંસદ પ્રભાત ઝા, નેતા પ્રતિપક્ષ ગોપાલ ભાર્ગવ સહિત તમામ વરિષ્ઠ નેતા હાજર રહ્યા હતા. રાકેશ સિંહે કહ્યું કે પ્રજ્ઞા ઠાકુરના આ નિવેદનને રાજકીય ચશ્માથી ન બતાવવું જોઈએ. આ પહેલા પણ લોકસભા ચૂંટણી દરમિયાન નાથુરામ ગોડસે પર નિવેદન કરીને સાધ્વી પ્રજ્ઞા ચર્ચામાં આવ્યા હતા.પ્રજ્ઞા ઠાકુરે ગોડસેને દેશભક્ત ગણાવ્યા હતા.

Back to top button