BusinessIndia

ભારતમાં લોન્ચ: એકવાર ચાર્જ કર્યા બાદ 125 કિમી ચાલશે આ સ્કુટી, કિંમત પણ છે આટલી

ભારતમાં ઇલેક્ટ્રિક કાર અને ટુ-વ્હીલર્સ નું બજાર ગતિ પકડી રહ્યું છે ત્યારે હવે ટુ-વ્હીલર્સની વધતી માંગને ધ્યાનમાં રાખીને ઓટો કંપનીઓ પણ આ તરફ ધ્યાન આપી રહી છે.દિલ્હી સ્થિત ઇલેક્ટ્રિક ટુ-વ્હીલર કંપની કોમાકીએ નવી હાઇ સ્પીડ ઇલેક્ટ્રિક સ્કૂટર કોમાકી એસ.ઈ. લોન્ચ કરી છે.કોમાકી એસઈ ભારતીય બજારમાં 125 સીસી પેટ્રોલ સ્કૂટર સાથે સ્પર્ધા કરવા જઈ રહી છે.

આ ઇલેક્ટ્રિક સ્કૂટર 3KW બીએલડીસી ઇલેક્ટ્રિક મોટર અને એક અલગ કરવા યોગ્ય લિથિયમ આયન બેટરી પેકથી સજ્જ છે. કંપનીના જણાવ્યા અનુસાર આ સ્કૂટર એક જ ચાર્જમાં 100 થી 125 કિલોમીટર સુધી ચાલશે. કંપનીનો દાવો છે કે કોમાકી એસઇની લિથિયમ આયન બેટરી સંપૂર્ણ ચાર્જમાં ફક્ત 1.5 યુનિટ પાવરનો વપરાશ કરશે. દેખાવમાં આ સ્કૂટર ખૂબ જ આકર્ષક છે.

હાઇટેક સુવિધાઓથી સજ્જ કોમાકી એસઇ સ્કૂટર પ્રતિ કલાકની ટોચની ગતિ 85 કિ.મી. છે. તેમાં ત્રણ રાઇડિંગ મોડ્સ છે. ભારતીય બજારમાં, આ સ્કૂટર ગાર્નેટ રેડ, ડીપ બ્લુ, મેટાલિક ગોલ્ડ અને જેટ બ્લેક ચાર રંગમાં ઉપલબ્ધ છે.

કોમાકી એસઇ માં ફ્રન્ટ સ્ટોરેજ સ્પેસ છે. આ ઉપરાંત યુએસબી ચાર્જિંગ પોર્ટ પણ આપવામાં આવ્યું છે. સૌથી અગત્યની વાત એ છે કે તેમાં ક્રુઝ કંટ્રોલ સ્વીચ છે, જે ભારતમાં ઉપલબ્ધ અન્ય સ્કૂટર્સમાં ઉપલબ્ધ નથી. આ ઇલેક્ટ્રિક સ્કૂટરમાં 16 ઇંચનું એલોય વ્હીલ છે.

સ્કૂટરમાં એલઇડી ડિસ્પ્લે, મલ્ટિમીડિયા કન્ટ્રોલ સ્વીચ અને ઇનબિલ્ટ બ્લૂટૂથ સ્પીકર પણ મળે છે. તેમાં રિમોટ લોકીંગ અને એન્ટી થીફ્ટ સિસ્ટમ છે. બ્રેકિંગ માટે કોમાકી માં આગળ અને પાછળના બંને બાજુ ડિસ્ક બ્રેક આપવામાં આવી છે.બજારમાં આ સ્કુટી ને 96000 ના ભાવ સાથે લોન્ચ કરવામાં આવી છે.

Back to top button