GujaratSouth GujaratSurat

સુરતમાં મોટી દુર્ઘટના: મોટા વરાછામાં ખોદકામ દરમિયાન માટી ધસી પડતા 8 લોકો દટાયા

સુરત શહેરના મોટા વરાછા વિસ્તારમાં એક મોટી દુર્ઘટના ઘટી છે. નવી બની રહેલી બિલ્ડીંગ ના કામ દરમિયાન આ દુર્ઘટના સર્જાઈ હતી.કામદારો દિવાલ પાસે ગટર માટે ખોદકામ કરી રહ્યા હતા ત્યારે માટી ધસી પડી હતી અને કામદારો દટાઈ ગયા હતા.હાલમાં રેસ્ક્યુ અને ફાયર ટીમો બચાવ કામગીરીમાં લાગી ગઈ છે.

લગભગ 20 ફૂટ નીચે કામ કરી રહેલા કામદારો દટાઈ ગયા હતા. તાત્કાલિક બચાવ ટીમને બોલાવતા સ્થાનિકે જણાવ્યું હતું કે દિવાલ તુટી પડવાનો અવાજ સાંભળીને મજુરો ભાગવા લાગ્યા હતા. જેના કારણે તેઓ અકસ્માતનો ભોગ બનતા બચી ગયા હતા. આ પછી અમે મદદ માટે વધુ લોકોને બોલાવ્યા અને બચાવ અને ફાયરની ટીમને બોલાવી.

દુર્ઘટના સર્જાતા આસપાસના લોકો પણ જોવા આવતા પોલીસ બંદોબસ્ત પણ ગોઠવી દેવાયો છે. હાલમાં ફાયર અને રેસ્ક્યુ ટીમ બચાવ કામગીરી કરી રહી છે. પ્રાથમિક માહિતી મુજબ 8 જેટલા મજુરો દટાઈ ગયા હતા જેમાં એકનું મોત નીપજ્યું છે.

Back to top button