health

છાતીમાં જામેલા કફ ને દુર કરવા આ ઘરેલું ઉપાયો અજમાવો, મળશે રાહત

હાલમાં ઠંડી અને શરદીની સમસ્યા ને કારણે લોકો ચિંતામાં મુકાઈ જતા હોય છે કેમ કે કોરોના ના કેસ પણ ચરમસીમે છે. કેટલીક વખત બલગમ ની રચના પણ થાય છે.બદલાતી મોસમમાં કફ ઘણી વખત છાતી અને ગળામાં જમા થાય છે.બલગમ ને લીધે, છાતીમાં દબાણ જેવો અનુભવ થાય છે. આને કારણે ઘણા લોકોને શ્વાસ લેવામાં પણ તકલીફ પડે છે. જો કફ લાંબા સમય સુધી છાતીમાં રહે છે, તો તે અન્ય સમસ્યા પેદા કરી શકે છે. આવી સ્થિતિમાં સમયસર કફમાંથી મુક્તિ મેળવવી ખૂબ જ મહત્વપૂર્ણ છે.

કફની સમસ્યાને દૂર કરવા માટે વરાળ/સ્ટીમ શ્રેષ્ઠ વિકલ્પ હોઈ શકે છે. જ્યારે વરાળની ગરમી ગળા અને નાક દ્વારા શરીરમાં પ્રવેશ કરે છે, તે બલગમ ને તોડવામાં મદદ કરે છે.

કાળા મરીનું સેવન કરવાથી છાતીમાં રહેલો કફ દૂર થાય છે. તેમાં રહેલા તત્વો ગળાના દુખાવા અને શરદીમાં રાહત આપે છે. એક ચમચી કાળા મરી ના પાઉડરમાં મધ ઉમેરીને લો. જો તમે ઇચ્છો તો તમે કાળા મરીથી બનાવેલ ઉકાળો પણ પી શકો છો.

જ્યારે બલગમ હોય ત્યારે મીઠાના પાણીથી ગારગલ કરવું પણ અસરકારક છે. નવશેકા પાણીમાં મીઠું ઉમેરીને ગાર્ગલ કરો. તેનાથી ગળામાં દુખાવો ઓછો થઈ શકે છે. તે કફના ભંગાણમાં પણ મદદ કરે છે.

આદુમાં બળતરા વિરોધી ગુણધર્મ છે જે નાક ના માર્ગને સાફ કરે છે. તેમાં હાજર તત્વ શરીરમાં બેક્ટેરિયા અને વાયરસના ચેપ સામે લડવામાં મદદ કરે છે. ગળામાં હાજર મ્યુકસ/બલગમ ઓછું કરવા માટે આદુ ના નાના કટકા કરી લીંબુ ના રસ સાથે લેવાથી રાહત મળે છે.

ફુદીના નું તેલ છાતીમાં રહેલા કફને કુદરતી રીતે દૂર કરવામાં મદદ કરે છે. ગરમ પાણીમાં ફુદીનાના તેલના થોડા ટીપા નાખીને તેની વરાળ લો.

Tags
Back to top button