GujaratSouth GujaratSurat

રત: કોરોના પોઝીટીવ માતાનું પુત્રના જન્મ સમયે જ મોત, બાળક 19 દિવસે મોત સામે લડીને સાજુ થયું, નામ રાખ્યું “અભય”

કોરોનાકાળમાં અનેક પરિવાર વેરવિખેર થયા છે ત્યારે સુરતની સિવિલ હોસ્પિટલ માંથી એક સારા સમાચાર આવ્યા છે. અહીં કોરોના પોઝિટિવ માતાના ગર્ભમાંથી જન્મેલુ બાળક 19 દિવસથી ગંભીર હાલતમાં હતું જે હવે સ્વસ્થ થયું છે. સિવિલ ડોકટરોએ નવજાત શિશુને બચાવવા માટે શ્રેષ્ઠ પ્રયાસ કર્યા હતા. તેણે જન્મ સમયે માતા ગુમાવી દીધી હતી અને માતા વિનાના બાળકનું જીવન બચાવી લીધું હતું.

૧૯ દિવસ મોત સામે લડ્યા બાદ હવે પરિવારના લોકો તેનું નામ અભય રાખવાનું વિચારે છે.સિવિલ હોસ્પિટલમાંથી મળતી માહિતી મુજબ માંગરોળ વિસ્તારમાં રહેતી રૂચી પંચાલ ને શ્વાસ લેવામાં તકલીફ પડી રહી હતી. 6 મેના રોજ તેને સિવિલમાં લાવવામાં આવી હતી.

ગાયનેક વોર્ડમાં દાખલ થયા બાદ કોરોના ટેસ્ટ રિપોર્ટ પોઝીટીવ આવ્યો. 11 મેના રોજ તેને વધુ તકલીફ થવા લાગી હતી. ડોક્ટરોએ બાળકને બચાવવા માટે સિઝેરિયન ડિલિવરી કરી. સિઝેરિયન હોવાથી, એનેસ્થેસિયા આપવું પડ્યું હતું. જોકે ડોકટરો માતાને બચાવી શક્યા નહીં, અને બાળકનો જન્મ થયો.

બાળક પણ ગંભીર હાલતમાં હતું.ડોકટરો બાળકને ઓક્સિજનથી વેન્ટિલેટર પર અને ત્યારબાદ એર રૂમમાં લાવવામાં સફળ રહ્યા હતા. 29 મેના રોજ સ્વસ્થ થયા પછી, નવજાતને હવે હોસ્પિટલમાંથી રજા આપવામાં આવી છે.

Back to top button