ગુજરાતમાં કોરોનાનો કહેર સતત વધતો જોવા મળી રહ્યો છે. ગુજરાતમાં છેલ્લા ૨૪ કલાકમાં 10 હજારથી વધુ કેસ સામે આવ્યા છે. આ કેસ સરકારની ચિંતા વધારનાર છે. ગુજરાતમાં છેલ્લા ૨૪ કલાકમાં 10150 કેસ સામે આવ્યા છે. જ્યારે તેની સાથે એક સારા સમાચાર પણ એ છે કે, આજે 6096 દર્દીઓ સારવાર દરમિયાન સાજા થયા છે.
તેની સાથે રાજ્યમાં વેક્સીનેશનનું કામ પણ જોરશોરથી ચાલી રહ્યું છે. રાજ્યમાં છેલ્લા ૨૪ કલાકમાં કુલ 1,38,536 વ્યક્તિઓએ રસી લીધી છે. જ્યારે ગુજરાતમાં અત્યાર સુધીમાં કોરોનાની સારવાર દરમિયાન સાજા થવાનો આંકડો 852471 પહોંચ્યો છે. આ સિવાય મૃત્યુઆંકનો આંકડો 10159 પહોંચ્યો છે.
ગુજરાતમાં એક્ટીવ કેસની વાત કરવામાં આવે તો હાલ 63610 એક્ટીવ કેસ રહેલા છે. જેમાં 83 દર્દી વેન્ટિલેટર પર રહેલા છે જ્યારે 63527 દર્દીઓ સ્ટેબલ રહેલા છે. રાજ્યમાં કોરોના વાયરસના કારણે વધુ 8 દર્દીના મોત થયા છે. જેમાં અમદાવાદ કોર્પોરેશનમાં 2, વડોદરા કોર્પોરેશનમાં 1, રાજકોટ અને ભાવનગર કોર્પોરેશનમાં 2-2, તાપીમાં 1 દર્દીનું મોત નીપજ્યું છે.
કોરોનાના કેસની વાત કરીએ તો અમદાવાદમાં કોરોનાનો કાળો કહેર સૌથી વધુ જોવા મળી રહ્યો છે. રાજ્યમાં છેલ્લા 24 કલાકમાં અમદાવાદ કોર્પોરેશનમાં 3264, સુરત કોર્પોરેશનમાં 2464, વડોદરા કોર્પોરેશનમાં 1151, રાજકોટ કોર્પોરેશનમાં 378, ભાવનગર કોર્પોરેશનમાં 322 નવા કેસો નોંધાયા છે. જ્યારે સુરત જિલ્લામાં 293, વલસાડમાં 283, ગાંધીનગર કોર્પોરેશનમાં 203, જામનગર કોર્પોરેશનમાં 202, કચ્છમાં 157, ભરૂચમાં 130, આણંદમાં 114, નવસારીમાં 97, વડોદરા જિલ્લામાં 91, મોરબીમાં 90, રાજકોટ જિલ્લામાં 89, મહેસાણામાં 85, પાટણમાં 84, ગીર સોમનાથમાં 83, ગાંધીનગરમાં 61, દેવભૂમિ દ્વારકામાં 55, બનાસકાંઠા-ભાવનગર જિલ્લો-સુરેન્દ્રનગરમાં 54, અમદાવાદ જિલ્લામાં 51 નવા કેસો સામે આવ્યા છે.
