વડાપ્રધાન નરેન્દ્ર મોદીના સિક્યોરીટી તરીકે રહી ચુકેલા Dysp ના દીકરાની લાશ કેનેડામાંથી મળી આવી
ભાવનગરના Dysp પર દુઃખનો પહાડ તૂટી પડ્યો છે. કેમકે તેમના દીકરાનું કેનાડામાં મોત નીપજ્યું હોવાની જાણકારી સામે આવી છે. Dysp ના દીકરાની લાશ ટોરેન્ટોમાંથી મળી આવતા ચકચાર મચી ગયો છે. કેનેડાના ટોરેન્ટો શહેરમાં અભ્યાસ કરનાર યુવક છેલ્લા થોડા દિવસોથી ગુમ થઈ ગયો હતો. એવામાં યુવકની હવે લાશ મળી આવી છે.
કેનેડાના ટોરેન્ટોમાં ભાવનગરના યુવકનું મોત થતા મૃતકના પરિવારજનોમાં શોકનું મોંજુ છવાઈ ગયું છે. જાણકારી મુજબ , ભાવનગરના સિદસર ગામનું આયુષ ડાખરા કેનેડાના ટોરેન્ટો શહેરમાં આવેલ યોર્ક યુનિવર્સિટીમાં અભ્યાસ કરી રહ્યો હતો. તે પાંચ મેના રોજ અચાનક ગુમ થઈ ગયો હતો. એવામાં ગુમ થયેલા આયુષ ડાખરાની લાશ મળી આવી છે.
તમને જણાવી દઈએ કે, મૃતક વિદ્યાર્થીના પિતા રમેશભાઈ ડાખરા પાલનપુરમાં DySP તરીકે ફરજ પર રહેલા છે. જ્યારે તેમનો 23 વર્ષીય દીકરો કેનેડાના ટોરેન્ટો શહેરમાં અભ્યાસ કરી રહ્યો હતો. તેમ છતાં અચાનક પાંચમી તારીખના તે ગુમ થઈ ગયો હતો તેના લીધે પરિવાર ચિંતામાં હતો. એવામાં હવે દીકરાની લાશ મળી આવતા પરિવારજનોમાં શોકનું મોંજુ છવાઈ ગયું છે.
આયુષના પિતા રમેશભાઈ DySP ની વાત કરીએ તો તે દેશના વડાપ્રધાન નરેન્દ્ર મોદી જ્યારે ગુજરાતના મુખ્યમંત્રી હતા તે સમયે 2001 થી 2014 સુધી તેમની સિક્યોરીટી તરીકે ફરજ પર રહેલા હતા.