યુપીએસસી પરીક્ષા પાસ કરવા માટે વિધ્યાર્થીઓને ઘણી મહેનત કરવી પડતી હોય છે. આ પરીક્ષાને અઘરી પરીક્ષામાંથી એક માનવામાં આવે છે. પણ મહેનત કરવાથી કોઈપણ પરીક્ષાને સરળતાથી પાસ કરી શકાય છે. આજે અમે તમને એક એવી જ આપીએસ ઓફિસર સીમાલા પ્રસાદની કહાની જણાવવા જઈ રહ્યા છે આ યુવતી અભિનેત્રી બનવા માંગતી હતી પણ પછી હવે આઇપીએસ ઓફિસર બનીને તે દેશની સેવ કરી રહી છે.
તમને જણાવી દઈએ કે, 8 ઓક્ટોબર 1980ના રોજ મધ્ય પ્રદેશની રાજધાની ભોપાલમાં જન્મેલી સીમાલાએ સેન્ટ જોસેફ કોએડ સ્કૂલમાંથી સ્કૂલનો અભ્યાસ પૂરો કર્યો હતો. આ પછી તેણે સ્ટુડન્ટ ફોર એક્સેલન્સમાંથી બીકોમ કર્યું અને પછી ભોપાલની બરકતુલ્લા યુનિવર્સિટીમાંથી સમાજશાસ્ત્રમાં પીજી કર્યું. સિમલાએ આ દરમિયાન ગોલ્ડ મેડલ પણ મેળવ્યો હતો. સિમલાને બાળપણથી જ અભિનય અને નૃત્યનો ખૂબ શોખ હતો. કોલેજ અને સ્કૂલમાં યોજાતા દરેક ફંકશનમાં તે સૌથી આગળ રહેતી અને દરેક સ્પર્ધામાં ભાગ લેતી.
દરમિયાન, સિમલા પ્રસાદે પીએસસીની પરીક્ષા પાસ કરી અને તેને ડીએસપી તરીકે પ્રથમ પોસ્ટિંગ મળી. આ પદ પર રહીને પણ સિમલા પ્રસાદે UPSC પરીક્ષાની તૈયારી ચાલુ રાખી. રસપ્રદ વાત એ છે કે, સિમલા પ્રસાદે આઈપીએસની તૈયારી માટે કોઈ પણ પ્રકારના કોચિંગની મદદ લીધી ન હતી, તેના બદલે, તેણે જાતે અભ્યાસ કર્યો અને આ પરીક્ષામાં સફળ થઈ.
આઇપીએસ બન્યા પછી સીમાલા પ્રસાદને મધ્યપ્રદેશના ડિંડોરીમાં પહેલી પોસ્ટિંગ મળે છે. હમણાં સીમાલા પ્રસાદ મધ્યપ્રદેશના બૈતુલમાં એસપીના પદ પર કાર્યરત છે અને અપ્રાધિઓ તેમના નામથી જ ડરી જતાં હોય છે. એટલું જ નહીં પણ સીમાલા પ્રસાદ હમણાં એક દબંગ ઓફિસર તરીકે ઓળખાય છે. તેનું કહેવું છે કે, ‘ક્યારેય વિચાર્યું હતું નહીં કે સિવિલ સર્વિસમાં હું જઈશ. પણ ઘરના વાતાવરણએ મારી અંદર આઇપીએસ ઓફિસર બનવાની કામના જગાડી. મને લાગે છે કે દેશની સેવ કરવા માટે આનાથી સારું પ્લેટફોર્મ નહીં હોઇ શકે.
સિમલા પ્રસાદ આઈપીએસ બની ગયા હતા પરંતુ હજુ પણ તેમનામાં અભિનયનો કીડો હતો. જ્યારે સિમાલા પ્રસાદને દિગ્દર્શક જગમ ઈમામ દ્વારા દિલ્હીમાં ચાલી રહેલા એક કાર્યક્રમ દરમિયાન જોવામાં આવ્યો ત્યારે તેણે તેને ફિલ્મ ‘અલિફ’માં કામ કરવાની તક આપી. સિમલા પ્રસાદ પણ પોતાની અંદર રહેલા અભિનેતાને મરવા દેવા માંગતા ન હતા. આવી સ્થિતિમાં તેણે આ ફિલ્મની સ્ક્રિપ્ટ વાંચીને કામ કરવાનું શરૂ કર્યું.
સિમલા પ્રસાદની પ્રથમ ફિલ્મ નવેમ્બર 2016માં ઓસ્ટ્રેલિયામાં ક્વીન્સલેન્ડના ભારતીય આંતરરાષ્ટ્રીય ફિલ્મ મહોત્સવમાં તેનું વર્લ્ડ પ્રીમિયર હતું અને ફિલ્મ 2017માં રિલીઝ થઈ હતી. આ પછી તેણે 2019માં આવેલી ફિલ્મ ‘નક્કાશ’માં પત્રકારની ભૂમિકા ભજવી હતી જેને ખૂબ પસંદ કરવામાં આવી હતી.
