ભાજપ પ્રમુખ સી આર પાટીલે ગ્રીષ્માના પરિવાર સાથે કરી મુલાકાત, આ દરમિયાન તેમણે કહી આ મોટી વાત….
સુરત જિલ્લાનાં કામરેજ ખાતે થોડા દિવસો પહેલા એક તરફી પ્રેમમાં પાગલ યુવાને જાહેરમાં એક યુવતીને ચપ્પુનાં ઘા કરીને તેણીને રહેંસી નાખવાની ઘટના સામે આવી હતી. જેના કારણે સમગ્ર ગુજરાતમાં ચકચાર મચી ગયો છે. જ્યારે હવે આ ઘટનાને રોજ-રોજ નવા અપડેટ આવતા રહે છે. એવામાં સમાચાર સામે આવી રહ્યા છે કે ભાજપ પ્રમુખ સી આરી પાટીલ સુરત પહોંચ્યા છે.
પ્રાપ્ત માહિતી મુજબ જાણવા મળ્યું છે કે, ભાજપ પ્રમુખ સી.આર પાટીલ ગ્રીષ્માના ઘરે ગઈ કાલ સાંજના પહોંચ્યા હતા. તેમની તે દરમિયાન તસ્વીરો પણ સામે આવી છે. આ તસ્વીરોમાં ગ્રીષ્માના પિતાને તે સાંત્વના પાઠવતા જોવા મળ્યા હતા. તેની સાથે તેમને ગ્રીષ્માના પિતાને જણાવ્યું છે કે, આરોપી વિરુદ્ધ સખ્ત પગલાં ભરવામાં આવશે.
તેની સાથે આ કેસમાં ગૃહમંત્રી હર્ષ સંઘવી દ્વારા પોલીસને ઝડપી તપાસ કરવાની સુચના આપવામાં આવેલ છે. આ કેસમાં પોલીસ દ્વારા સખ્ત તપાસ કરીને અનેક જાણકારી પ્રાપ્ત કરવામાં આવી રહી છે. એવામાં પોલીસ દ્વારા તમામ પાસાઓ આવરીને ચાર્જશીટ તૈયાર કરવામાં આવેલ છે. એવામાં ગઈ કાલે મોટા સમાચાર સામે આવ્યા હતા. હાલ ફેનિલ પોલીસની ઝડપમાં છે.
પોલીસ દ્વારા કરવામાં આવી રહી તપાસમાં જાણકારી સામે આવી હતી કે, હત્યાના દિવસે પ્લાનિંગ પૂર્વક હત્યા કરવાનું નક્કી કરવામાં આવ્યું હતું. એવામાં ફેનિલ ગ્રીષ્માની અમરોલી આવેલ કોલેજમાં પહોંચી ગયો હતો. તેને તે દરમિયાન તેની સહેલીને કહ્યું તું ગીષ્માને લઈને બહાર આવ. તેમ છતાં તેને ના પાડી દીધી હતી કે તે ક્લાસમાં છે માટે નહીં આવી શકે. ત્યાર બાદ ગ્રીષ્મા તેની માસીને કેમ્પસમાં બોલાવી ત્યાંથી ચાલી ગઈ હતી. પરંતુ સાંજના સમયે ફેનિલ તેના ઘરે પહોંચી ગયો અને આ કાંડ કરી નાખ્યો હતો. તેના ઘરે પહોંચી તેને ગ્રીષ્માનું ગળું કાપી હત્યા કરી નાખી હતી.
નોંધનીય છે કે, આ યુવક યુવતીનો છેલ્લા ઘણા દિવસોથી પીછો પણ કરી રહ્યો હતો. તે વાતની જાણ થતા યુવતીના મોટા બાપુજી તેને ઠપકો આપ્યો હતો. તેનું યુવકને માઠું લાગ્યું હતું. જેના લીધે તે ઉશ્કેરાઈ ગયો હતો. આ કારણોસર તે યુવતીના ઘરની બહાર પહોંચી ગયો હતો. તેના કારણે યુવતીના મોટા બાપુજીએ તેને ફરીથી ઠપકો આપ્યો તો યુવકે તેમના પર જ ચપ્પુથી હુમલો કરી દીધો હતો. તે દરમિયાન યુવતી વચ્ચે તેમને બચાવવા વચ્ચે પડી તો તેને યુવતીનું જ સેંકડો લોકોની વચ્ચે ગળું કાપી હત્યા કરી નાખી હતી.
ત્યાર બાદ હત્યારા ફેનીલે યુવતીની હત્યા કર્યા બાદ પોતાના હાથે તેમજ પગે ચપ્પુના ઘા મારી ઝેરી દવા પીને જીવન ટુંકાવવાનો પ્રયાસ કર્યો હતો. તેમ છતાં સ્થળ પર પહોંચેલી કામરેજ પોલીસ પર પણ તેને હુમલો કર્યો તેમ છતાં યુવાનને તાત્કાલિક સારવાર માટે પોલીસ દ્વારા તેને સુરતની નવી સિવિલ હોસ્પિટલમાં સારવાર માટે લઇ જવામાં આવ્યો હતો. આ સારવાર બાદ તેનો જીવ તો બચી ગયો છે પરંતુ તે અત્યારની પોલીસ કસ્ટડીમાં છે અને તેની સાથે પૂછપરછ કરવામાં આવી રહી છે. એવામાં તેને લઈને રોજ નવા-નવા ખુલાસો થઈ રહ્યા છે.
