દુનિયામાં સૌથી અમીર વ્યક્તિઓમાં શામેલ એવા મુકેશ અંબાણી એકવાર ફરી ચર્ચામાં આવ્યા છે. મુકેશ અંબાણીએ પોતાની કંપની માટે રોબોટ્સ ખરીદ્યા છે. મીડિયા રિપોર્ટ અનુસાર રિલાયન્સ ઇન્ડસ્ટ્રીએ એડવર્બ ટેકનોલોજીને રોબોટ્સ માટે અરબો રૂપિયાનો ઓર્ડર આપ્યો છે.
તમને જણાવી દઈએ કે અગાઉ મુકેશ અંબાણીની કંપની રિલાયન્સે અડધાથી વધુ રોબોટિક્સ સ્ટાર્ટઅપ એડવર્બ ટેકનોલોજી ખરીદી હતી. કહેવામાં આવી રહ્યું છે કે આ રોબોટ્સનો ઉપયોગ 5G ટેક્નોલોજીના પ્રયોગ માટે કરવામાં આવશે. આ સિવાય કંપનીના અન્ય કામો માટે પણ તેનો ઉપયોગ કરવામાં આવશે.
મીડિયાના એક વિશેષ અહેવાલમાં જણાવવામાં આવ્યું છે કે મુકેશ અંબાણીએ લગભગ 1 અબજ રૂપિયાના રોબોટનો ઓર્ડર આપ્યો છે. જેની ભારતીય ચલણમાં કિંમત લગભગ 74 અબજ રૂપિયા છે. જોકે, આ પહેલીવાર નથી જ્યારે મુકેશ અંબાણી પોતાની કંપની માટે રોબોટ લઈ રહ્યા છે. રિલાયન્સની જામનગર રિફાઇનરીમાં ઇન્ટ્રા-લોજિસ્ટિક્સ કામગીરી માટે 200 રોબોટનો ઉપયોગ કરવામાં આવી રહ્યો છે.
કહેવામાં આવી રહ્યું છે કે આ બધા રોબોટ્સ 5G થો જોડાયેલ છે. આ રોબોટ્સનો ઉપયોગ બૈગિગ લાઇન ઓટોમેશનમાં પણ કરવામાં આવે છે. તમને જણાવી દઈએ કે થોડા દિવસ પહેલા જે રોબોટિક્સ કંપનીનો ભાગ રિલાયન્સએ ખરીદ્યો હતો. એમાંથી 54 ટકા હવે રિલાયન્સ પાસે છે. આ ભાગને કંપનીએ 132 મિલિયન ડોલર એટલે કે લગભગ 985 કરોડ રૂપિયામાં ખરીદ્યો હતો.
કંપનીના મોટા ભાગોનું વેચાણ કર્યા પછી, એડવર્બ તરફથી એક નિવેદન આવ્યું, જેમાં કહેવામાં આવ્યું છે કે આ ડીલ તેને યુએસ અને યુરોપના માર્કેટમાં પ્રવેશવામાં મદદ કરશે. આ પૈસાથી કંપનીને તે જ જગ્યાએ રોબોટ બનાવવા માટે મોટો પ્લાન્ટ મળી શકે છે. હાલમાં આ રોબોટિક કંપની નોઈડામાં દર વર્ષે લગભગ 10 હજાર રોબોટ બનાવી રહી છે. જ્યારે રિલાયન્સ સાથે જોડાયા બાદ તેનું મેન્યુફેક્ચરિંગ વધશે.
