સિંઘમ 3 (Singham 3) માટે દર્શકોમાં ભારે ઉત્તેજના છે. ચાહકો આ ફિલ્મની આતુરતાથી રાહ જોઈ રહ્યા હતા. આ દરમિયાન આ ફિલ્મને લઈને મોટા સમાચાર આવ્યા છે. લાંબા સમય બાદ મેકર્સે આ ફિલ્મની રિલીઝ ડેટ જાહેર કરી છે. આ ફિલ્મ વિશે એક અપડેટ એ પણ છે કે આ વખતે દીપિકા પાદુકોણ (Deepika Padukone) પણ અજય દેવગન સાથે ‘સિંઘમ 3’માં જોવા મળશે.
તરણ આદર્શે તાજેતરમાં સોશિયલ મીડિયામાં આ વિશે માહિતી આપી છે. આ સમાચાર સાંભળ્યા બાદ ફેન્સ ખૂબ જ ખુશ છે. તરણે ટ્વિટ કર્યું છે કે આ ફિલ્મ 2024ના સ્વતંત્રતા દિવસે રિલીઝ થશે. ફિલ્મમાં ફરી એકવાર અજય દેવગન બાજીરાવ સિંઘમના મજબૂત પાત્રમાં જોવા મળશે. સિંઘમના બંને પાર્ટ્સે દર્શકોના દિલમાં સારી જગ્યા બનાવી છે, ત્યાર બાદ ફેન્સ તેના ત્રીજા ભાગની રાહ જોઈ રહ્યા છે.
રિપોર્ટ અનુસાર આ વખતે દીપિકા પાદુકોણની એન્ટ્રી ‘સિંઘમ 3’માં થઈ છે. જેના કારણે ફિલ્મ પહેલા કરતા વધુ ખાસ હશે. આ માહિતી ખુદ રોહિત શેટ્ટીએ આપી હતી. તમને જણાવી દઈએ કે ફિલ્મ સર્કસની એક ઈવેન્ટમાં રોહિત શેટ્ટીએ જાહેરાત કરી હતી કે દીપિકા પાદુકોણ ‘સિંઘમ 3’માં જોવા મળશે. પઠાણ બાદ દીપિકા પાદુકોણને એક્શન અવતારમાં જોવા માટે ચાહકો ખૂબ જ ઉત્સાહિત છે.
#Xclusiv… AJAY DEVGN – ROHIT SHETTY: ‘SINGHAM AGAIN’ ON INDEPENDENCE DAY 2024… #SinghamAgain – the third part in #RohitShetty’s super-successful #Singham franchise – to release on 15 August 2024 #IndependenceDay.#AjayDevgn returns as #BajiraoSingham… Starts August 2023. pic.twitter.com/RkWMeau7yS
— taran adarsh (@taran_adarsh) April 22, 2023
‘સિંઘમ’નો પહેલો ભાગ વર્ષ 2011માં રિલીઝ થયો હતો અને એક્શન અવતારમાં અજયને દર્શકોએ ખૂબ પસંદ કર્યો હતો. જ્યારે ફિલ્મનો બીજો ભાગ વર્ષ 2014માં સ્વતંત્રતા દિવસે જ રિલીઝ થયો હતો. અને હવે ફિલ્મનો ત્રીજો ભાગ 2024ના સ્વતંત્રતા દિવસે રિલીઝ થશે.
આ પણ વાંચો: હવામાન સમાચાર: હવામાન વિભાગે ઉનાળાની વચ્ચે સારા સમાચાર આપ્યા, આ સ્થળોએ વરસાદ પડશે
