લગ્ન એ કોઈપણ વ્યક્તિ માટે ખૂબ જ ખાસ દિવસ કહેવાય છે જેનો તેઓ પૂરો આનંદ માણવા માંગે છે. તેઓ આ દિવસને જીવનભર યાદ રાખે છે. એટલા માટે ઘણા લોકો તેમના લગ્નનો દિવસ ખૂબ જ ભવ્ય રીતે વિતાવે છે, પણ ઘણી વખત આવા કિસ્સાઓ સામે આવે છે જેમાં બેમાંથી એક લગ્નથી દૂર થઈ જાય છે અને બીજા પાર્ટનરનું દિલ દુભાવે છે. આવો જ એક ચોંકાવનારો કિસ્સો સામે આવ્યો છે જ્યાં લગ્નના દિવસે જ વરરાજા ભાગી ગયો હતો અને તે પછી દુલ્હનએ જે કર્યું તે બધાને ચોંકાવી દે તેવા છે. નવાઈની વાત એ છે કે વરરાજાએ જ યુવતીને લગ્ન માટે પ્રપોઝ કર્યું હતું. આ ચોંકાવનારો કિસ્સો બ્રિટનનો છે.
બ્રિટનના વેલ્સની રહેવાસી કાઈલી સ્ટેડના લગ્ન 15 સપ્ટેમ્બરે થવાના હતા, પણ વરરાજા આવ્યો ન હતો. જ્યારે કાઈલીને વરના ભાગી જવાની ખબર પડી ત્યારે તે અંદરથી ભાંગી પડી હતી. વ્યવસાયે ઈન્સ્યોરન્સ ક્લાર્ક કાઈલીએ જણાવ્યું કે તે 4 વાગ્યા સુધી વરની રાહ જોઈ રહી હતી, પરંતુ તે આવ્યો નહોતો. ફોન કરવાનો પ્રયાસ પણ કરવામાં આવ્યો હતો, પરંતુ કોઈ જવાબ મળ્યો ન હતો. આ બાદ તેમને પોતે જ મહેમાનોની સામે જ બધી વિધિઓ પૂરી કરી હતી. તમને જણાવી દઈએ કે કાઈલીએ આ અવસર કરવામાં 10 લાખનો ખર્ચ કર્યો હોવાનું જાણવા મળ્યું હતું. વરરાજાએ આવું કેમ કરી દીધું, કાઈલી પણ આ જવાબની ખાસ રાહ જોઈ રહી હતી.
કાઈલી કહે છે કે, ડિસેમ્બર 2018માં તેના એક્સ બોયફ્રેન્ડ સાથે સંબંધ શરૂ થયો હતો. તેણે ઓગસ્ટ 2020માં કાઈલીને પ્રપોઝ કર્યું હતું. લગ્નના એક દિવસ પહેલા બધું બરાબર ચાલી રહ્યું હતું. કાઈલી અને તેના મિત્રો સેલિબ્રેશનમાં મગ્ન હતા. તે જ વખતે વર અને તેના ઘણા ફ્રેન્ડ પણ નજીકમાં કોઈ જગ્યાએ પાર્ટી કરી રહ્યા હતા.
કાઈલીના કહેવા પ્રમાણે, બંનેએ લગ્નના એક દિવસ પહેલા વાત ન કરવાનો નિર્ણય લીધો હતો. તેણીને ખબર નથી કે તેના ભૂતપૂર્વ બોયફ્રેન્ડે તેની સાથે કેમ છેતરપિંડી કરી. તે વરરાજાનો મિત્ર હતો જેણે ફોન પર કાઇલીને કહ્યું કે તે નીકળી ગયો છે. કાઈલીને આશા હતી કે છોકરો પાછો આવશે. પરંતુ આવું ન થયું. કાઈલી વરરાજાની ક્રિયાઓથી બરબાદ થઈ ગઈ હતી, પણ તેણીના દુઃખને છુપાવીને તેણીએ તેના પિતા, ભાઈઓ અને વરરાજા સાથે ડાન્સ કર્યો. ત્યારબાદ લગ્નની તમામ વિધિઓ કરવામાં આવી હતી. હવે આ ઘટના બાદ કાઈલીના મિત્રોએ ક્રાઉડફંડિંગ માટે ગો ફંડ મી પર એક પેજ બનાવ્યું છે, જેથી લગ્નનો ખર્ચ ભરપાઈ કરી શકાય.
