Karnatakaના કોડાગુ (કૂર્ગ) જિલ્લામાં આવેલા દુબારે એલિફન્ટ કેમ્પમાં સોમવારે દુર્ઘટનાજનક ઘટના બની હતી. બે હાથીઓ વચ્ચે થયેલી અચાનક લડાઈ દરમિયાન એક મહિલા પર્યટકનું કરુણ મોત નીપજ્યું હતું. હાથીઓના ધક્કામુક્કીમાં એક હાથીનું સંતુલન બગડતાં તે સીધો મહિલા પર પડ્યો હતો, જેના કારણે મહિલા ગંભીર રીતે દબાઈ ગઈ અને તેનું ઘટનાસ્થળે જ મોત થયું હતું.
અધિકારીઓના જણાવ્યા અનુસાર, મૃતક મહિલા Indiaના Tamil Nadu રાજ્યની રહેવાસી 33 વર્ષીય તુલસી હતી. તે અન્ય પ્રવાસીઓ સાથે નદી કિનારે ઊભી રહી હાથીઓને નવડાવતા નિહાળી રહી હતી. તે સમયે નદીમાં 6થી 7 હાથી હાજર હતા અને તેમની સાથે મહાવતો પણ હતા.
આ દરમિયાન કંજન અને માર્તંડા નામના બે હાથી અચાનક ઉશ્કેરાઈ ગયા હતા અને એકબીજા પર હુમલો કરવા લાગ્યા હતા. બંને હાથીઓ વચ્ચેની આક્રમક અથડામણથી ત્યાં હાજર પ્રવાસીઓમાં ભારે અફરાતફરી મચી ગઈ હતી. લોકો બચવા માટે દોડાદોડ કરતા જોવા મળ્યા હતા. ઘટનાનો વીડિયો પણ સોશિયલ મીડિયામાં વાયરલ થયો છે.
A tragic incident at Dubare Elephant Camp in Kodagu district, Karnataka, India. A 33-year-old tourist died after a temporary structure collapsed during an elephant bathing session following a clash between two elephants. pic.twitter.com/cnfuWnZmnd
— Sanju Baba (@SanjuBabaOnly) May 19, 2026
દુબારે એલિફન્ટ કેમ્પ કોડાગુ જિલ્લામાં Kaveri Riverના કિનારે આવેલું એક જાણીતું ઇકો-ટૂરિઝમ અને હાથી તાલીમ કેન્દ્ર છે. આ કેમ્પનું સંચાલન Karnataka Forest Department અને Jungle Lodges and Resorts દ્વારા કરવામાં આવે છે. ઉનાળાની સિઝનમાં અહીં મોટી સંખ્યામાં પ્રવાસીઓ ઉમટી પડે છે. પ્રવાસીઓ મહાવતો પાસેથી હાથીઓની તાલીમ અને વર્તન વિશે જાણકારી મેળવે છે તેમજ હાથીઓને નદીમાં નવડાવવા અને કેળા-શેરડી ખવડાવવાનો અનુભવ પણ કરે છે.
ઘટના બાદ રાજ્ય સરકારે તાત્કાલિક કડક સુરક્ષા નિયમો અમલમાં મૂક્યા છે. હવે પ્રવાસીઓને હાથીઓ સાથે સેલ્ફી લેવા, તેમને સ્પર્શ કરવા અથવા નજીક ઊભા રહી ફોટા પડાવવા પર પ્રતિબંધ મૂકી દેવાયો છે. સાથે જ હાથીઓને ગોળ, કેળા કે અન્ય ખાદ્ય પદાર્થો ખવડાવવા તેમજ તેમને નવડાવવાની પ્રવૃત્તિઓ પણ બંધ કરવામાં આવી છે.
વન મંત્રી Eshwar Khandreએ અધિકારીઓને સ્પષ્ટ સૂચના આપી છે કે પ્રવાસીઓ અને વન્યજીવો વચ્ચે પૂરતું અંતર જાળવવામાં આવે અને સુરક્ષા નિયમોનું કડક પાલન થાય.
