‘બુલી બાઈ’ આ એક એવી એપનું નામ છે જેનાથી એક વેબસાઈટ પર મુસ્લિમ મહિલાઓની ઓનલાઇન બોલી લગાવવામાં આવે છે. આ એપ પર રીતસર મહિલાઓના ફોટો એડ કરીને તેમનો ભાવ નક્કી કરવામાં આવે છે. આ એપ પર અત્યારસુધી 100 થી વધુ મુસ્લિમ મહિલાઓની બોલી લગાવવામાં આવી ચુકી છે. ઇન્ટરનેટની દુનિયામાં છુપાયેલ આ વ્યક્તિ વિષે વિચારીને પણ મુસ્લિમ મહિલાઓ ખુબ ગભરાઈ જાય છે. આ વેબસાઈટ છ મહિના પહેલા બનાવવામાં આવી હતી. તેની માટે ઇન્ટરનેટ હોસ્ટિંગ પ્રોવાઇડર ગિટહબનો ઉપયોગ કરવામાં આવ્યો હતો.
આ વાંધાજનક એપ અને વેબસાઈટ સામે પગલાં ન લેવાને કારણે પીડિત મહિલાઓ ખૂબ જ નારાજ છે. એક મહિલા પત્રકાર, જેની ફરિયાદના આધારે દિલ્હી પોલીસે એફઆઈઆર નોંધી છે, તેણે કહ્યું – “1 જાન્યુઆરીએ, જ્યારે મેં નવા વર્ષના દિવસે આવેલો મેસેજ ખોલ્યો, ત્યારે તેમાંનો ફોટો મારો ફોટો હતો. જેમાં લખ્યું હતું કે હું એ જમાનાની બુલ્લી બાઈ છું. હું આશ્ચર્યચકિત થઈ ગયો હતો.
હું વર્ષની શરૂઆત સારી રીતે કરવા માંગતી હતી, પણ એ વિચારીને નવાઈ લાગી કે કોઈ વર્ષના અંતિમ દિવસે અમને નીચા દેખાડવા માટે બેથેલ છે. સૌથી વધુ મુશ્કેલ વાત તો એ છે કે આની ઘણીબધી એફઆરઆઇ નોંધેલ છે, આની વિષે સંસદમાં પણ વાત કરવામાં આવી છે, મહિલા આયોગએ પણ જાણે છે. પણ તેમ છતાં કોઈપણ કાર્યવાહી કરવામાં આવી નથી.’
એક મહિલા કોંગ્રેસ નેતાએ કહ્યું- “હું અવાચક થઈ ગઈ હતી… આ બધું ફરી થઈ રહ્યું હતું. આ અજાણ્યો માણસ અમારા માટે રેટ નક્કી કરે છે તે અંગે ચર્ચા કરે છે, તેઓ અમારી હરાજી કરે છે અને અપશબ્દોનો ઉપયોગ કરે છે. મેં મે મહિનામાં પણ ફરિયાદ નોંધાવી હતી, જ્યારે પુરુષોનું એક જૂથ યુટ્યુબ પર અમારી તસવીરો પોસ્ટ કરી રહ્યું હતું અને ‘મનોરંજન’ ચાલુ રાખવા માટે અન્ય પુરુષો પાસે પૈસા માંગી રહ્યું હતું. મેં એફઆઈઆર નોંધાવી હતી; મેં દિલ્હી પોલીસને તમામ પુરાવા પણ આપ્યા હતા પરંતુ આરોપીઓ હજુ પણ ડર્યા વગર આ ખોટું કામ ચાલુ રાખી રહ્યા છે.
છેલ્લી ઘટના દરમિયાન એક મહિલા પાયલોટે ઉત્તર પ્રદેશ પોલીસમાં ફરિયાદ નોંધાવી હતી. તેણે કહ્યું- “મેં વિચાર્યું હતું કે મને ન્યાય મળશે પરંતુ યુપી પોલીસે મને પૂછપરછ માટે ક્યારેય બોલાવ્યો નથી. મેં તપાસ અધિકારીને ઘણી વખત ફોન કર્યો પરંતુ બધું વ્યર્થ ગયું. તેઓએ હવે બીજું પેજ બનાવ્યું છે. જ્યારે મેં સ્ક્રીનશોટ જોયો, ત્યારે હું ચોંકી ગયો અને રડવા લાગ્યો… તેઓ આમ કરતા રહેશે કારણ કે તેઓ અમારો અવાજ બંધ કરવા માંગે છે અને સરકાર કંઈ કરી રહી નથી. હું હવે નબળાઈ અનુભવું છું.
