દેવોલીનાએ તાજેતરમાં જ જીમ ટ્રેનર શાહનવાઝ સાથે લગ્ન કર્યા છે. દેવોલીનાએ 14 ડિસેમ્બરે લગ્ન કર્યા હતા. તેમના લગ્નની તસવીરો જોઈને ફેન્સ ખૂબ જ આશ્ચર્યચકિત થઈ ગયા હતા. તેનો પતિ શાહનવાઝ મુસ્લિમ છે અને તે હિંદુ છે, તેણે આંતર-ધર્મ લગ્ન કર્યા છે, જેના કારણે યુઝર્સ તેને ટ્રોલ કરે છે. તાજેતરમાં જ દેવોલીનાએ લગ્ન બાદ પહેલીવાર પતિ સાથે નવું વર્ષ સેલિબ્રેટ કર્યું હતું.
ગોપી બહુનું પાત્ર ભજવનાર દેવોલિનાએ ગઈકાલે રાત્રે નવા વર્ષની ઉજવણી કરી હતી. સાથે સેલિબ્રેશન કર્યા બાદ તેની તસવીર સોશિયલ મીડિયા પર પોસ્ટ કરી હતી. જણાવી દઈએ કે આ તસવીરમાં અભિનેત્રી પતિ શાહનવાઝ સાથે રોમેન્ટિક પોઝ આપતી જોવા મળી રહી છે. એક ફોટોમાં બંને એકબીજાની આંખોમાં જોઈ રહ્યાં છે. આ તસવીરો સાથે દેવોલીનાએ તેના ચાહકોને નવા વર્ષની શુભેચ્છા પાઠવી છે.
દેવોલીનાએ 14 ડિસેમ્બર 2022ના રોજ શાહનવાઝ સાથે કોર્ટ મેરેજ કર્યા હતા. ‘બિગ બોસ 13’માં પ્રવેશ્યા બાદ દેવોલીનાને વધુ નામ મળ્યું. દેવોલિના ‘સાથ નિભાના સાથિયા 2’માં જોવા મળી હતી.
