દેશના સૌથી સન્માનિત ઉદ્યોગપતિ માંથી એક ટાટા એન્ડ સંસના ચેરમેન રતન ટાટા છે. તેમને તેમના ઉદ્યોગ ની સાથે સામાજિક કાર્યોના કારણે પણ ખૂબ જ ઓળખવામાં આવે છે. તેમને અત્યાર સુધીમાં પદ્મવિભૂષણ અને પદ્મભૂષણ જેવા એવોર્ડ પણ મળી ચૂક્યા છે. પરંતુ ખૂબ ઓછા લોકો તેમના અંગત જીવન અને પરિવારના સભ્યો વિશે જાણે છે. આજે તમને તેના નાના ભાઈ જીમી કાકા વિશે જણાવીએ.
તાજેતરમાં જ રતન ટાટાએ સોશિયલ મીડિયા પર પોતાના નાનાભાઈ જીમી ટાટા સાથેની એક તસવીર શેર કરી હતી.. આ તસવીર 1945 ના વર્ષની છે અને બ્લેક એન્ડ વાઈટ તસવીર છે. જેમાં રતન ટાટા અને જીમી ટાટા એક ડોગી સાથે જોવા મળે છે. આ તસ્વીર ના કેપ્શન માં રતન ટાટા એ લખ્યું છે કે તે સુખ ભર્યા દિવસો હતા.
રતન ટાટા દુનિયાભરના અમીર વ્યક્તિઓની યાદીમાં આવે છે. તેમની પાસે 3500 કરોડની સંપત્તિ છે. તેમનું ઘર 13 હજાર વર્ગ ફીટમાં ફેલાયેલું છે. તેમના ઘરમાં દરેક પ્રકારની સુવિધા ઉપલબ્ધ છે. તે એક ભવ્ય જીવન જીવે છે પરંતુ તેમના નાના ભાઈ તેમના કરતાં પણ સાધારણ જીવન જીવે છે.
જીમી ટાટા મુંબઈના કોલાબા માં રહે છે અને તેમનું ઘર બેડરૂમ હોલ કિચનનું જ છે. તેઓ અખબારના માધ્યમથી દુનિયાભરની ખબરો પ્રાપ્ત કરે છે. ખાસ વાત એ છે કે રતન ટાટાની જેમ જીમી ટાટા એ પણ લગ્ન કર્યા નથી. તેમણે રતન ટાટા સાથે મળીને કામ કર્યું છે પરંતુ નિવૃત્ત થયા પછી તેઓ એકદમ સાદગી થી જીવન જીવવાનું પસંદ કરે છે.
