Call recording: ક્યાંક તમારા કોલ્સ રેકોર્ડ તો નથી થઇ રહ્યા ને? જાણો આ રીતે

Call recording ગેરકાયદેસર છે. આને ધ્યાનમાં રાખીને ગૂગલે થોડા સમય પહેલા કોલ રેકોર્ડિંગ તેમજ થર્ડ પાર્ટી એપ્સ બંધ કરી દીધી હતી. એટલે કે થર્ડ પાર્ટી એપ્સની મદદથી કોલ રેકોર્ડિંગ કરી શકાતું નથી. આ માટે યુઝરે ફોનના ઇનબિલ્ટ કોલ રેકોર્ડિંગ ફીચરનો ઉપયોગ કરવો પડશે. જો કે, જ્યારે ઇનબિલ્ટ કોલ રેકોર્ડિંગ ફીચર ચાલુ હોય છે, ત્યારે અન્ય વ્યક્તિને તેના વિશે ખબર પડે છે. પરંતુ, ક્યારેક એવું બને છે કે બીજી વ્યક્તિ તમારા કૉલ્સ રેકોર્ડ કરી રહી હોય અને તમને ખબર પણ ન પડે.

તમે શોધી શકો છો કે કોઈ તમારી પરવાનગી વિના કૉલ રેકોર્ડ કરી રહ્યું છે. આ માટે તમારે કેટલીક બાબતોનું ધ્યાન રાખવું પડશે. નવા મોબાઇલ ફોનમાં કૉલ રેકોર્ડિંગની જાહેરાત કરવામાં આવે છે, તેથી કૉલ રેકોર્ડિંગ ચાલુ થતાં જ તમને તેના વિશે જાણવા મળે છે. પરંતુ, જૂના મોબાઈલ ફોનમાંથી કોલ રેકોર્ડ્સ ટ્રેસ કરવા મુશ્કેલ છે. કોલ રેકોર્ડ્સને સમજવા માટે ધ્યાનમાં રાખવાની મહત્વની બાબતો શું છે?

1. બીપના અવાજ પર ધ્યાન આપો- તમારે કૉલ દરમિયાન બીપના અવાજ પર ધ્યાન આપવું પડશે. જો તમે કૉલ દરમિયાન બીપ-બીપ અવાજ સાંભળો છો, તો તેનો અર્થ એ છે કે તમારો કૉલ રેકોર્ડ થઈ રહ્યો છે.તમારે આવનારા નવા એન્ડ્રોઇડ ફોન વિશે વધુ ચિંતા કરવાની જરૂર નથી કારણ કે પહેલેથી જ ઉલ્લેખ કર્યો છે કે તમે કૉલ રેકોર્ડિંગ સુવિધા ચાલુ કરો કે તરત જ તમને ચેતવણી આપવામાં આવશે. જેના દ્વારા તમે સરળતાથી સમજી શકશો કે તમારો કોલ રેકોર્ડ થઈ રહ્યો છે.

2. કોલ રેકોર્ડિંગ અને કોલ ટેપીંગ વચ્ચેનો તફાવત-ઘણીવાર લોકો કોલ રેકોર્ડિંગ અને કોલ ટેપિંગને એક જ વસ્તુ માને છે. પરંતુ એક તફાવત છે, કોલ ટેપિંગમાં ત્રીજી વ્યક્તિ બે લોકો વચ્ચેની વાતચીત રેકોર્ડ કરી રહી છે. આ માટે ટેલિકોમ કંપનીઓની મદદ પણ લેવામાં આવે છે. જો કે, તપાસ એજન્સીઓ કોર્ટની પરવાનગી બાદ કોલ ટેપીંગ કરી શકે છે.

કૉલ ટેપિંગ સામાન્ય રીતે કૉલર્સને સીધી રીતે સામેલ કરતું નથી. પરંતુ કોલ ટેપ થઈ રહ્યો છે કે નહીં તે નક્કી કરવા માટે કેટલીક બાબતો અવલોકન કરી શકાય છે. ઉદાહરણ તરીકે, જો દર વખતે તમે કોઈને કૉલ કરો ત્યારે તમને જૂના રેડિયોની જેમ વચ્ચે સિગ્નલ ડ્રોપ સંભળાય છે, તો સાવચેત રહો. વારંવાર કોલ ડ્રોપ પણ ક્યારેક કોલ ટેપીંગની નિશાની હોય છે.