પોલીસ સ્ટેશનમાં આરોપીનું મોત, પોસ્ટમોર્ટમ દરમિયાન ડોકટરે તપાસ કરી તો પોલીસના કારનામાં ની પોલ ખુલી
કેરળ પોલીસની એક ભયાનક ઘટના સામે આવી છે. મામલો સામે આવ્યા બાદ એસઆઈ સહિત આઠ પોલીસકર્મીઓને સસ્પેન્ડ કરવામાં આવ્યા છે. ડ્રગ્સ રાખવા બદલ ધરપકડ કરાયેલ વ્યક્તિનું પોલીસ સ્ટેશનમાં મૃત્યુ થયું હતું. તેને પોલીસ કસ્ટડીમાં રાખવામાં આવ્યો હતો. મૃતદેહના પોસ્ટમોર્ટમ દરમિયાન જ્યારે તબીબે પેટ ખોલ્યું તો ખબર પડી કે પોલીસકર્મીઓએ જ આટલી ઘૃણાસ્પદ ઘટનાને અંજામ આપ્યો છે.
મૃતકની ઓળખ 30 વર્ષીય થમીર જિફરી તરીકે થઈ છે. 1 ઓગસ્ટના રોજ તે ડ્રગ્સ રાખવાના આરોપમાં પોલીસના હાથે ઝડપાઈ ગયો હતો. થમીર અને અન્ય પાંચ લોકોની પોલીસે મંગળવારે વહેલી સવારે ધરપકડ કરી હતી. પોલીસનું કહેવું છે કે તેમને બાતમી મળી હતી કે તનુર-દેવધર ફ્લાયઓવર પર ડ્રગ્સનો સોદો થવાનો છે. આ પછી પોલીસ પહોંચી અને તમામની ધરપકડ કરી. બેભાન અવસ્થામાં હોસ્પિટલ લઈ જવાયા બાદ થમીરનું મોત નીપજ્યું હતું.
તમીરના મૃત્યુ પછી, થ્રિસુર રેન્જના ડીઆઈજી અજીતા બેગમે સબ ઈન્સ્પેક્ટર આર.ડી. કૃષ્ણલાલ સહિત આઠ પોલીસ અધિકારીઓને સસ્પેન્ડ કરવામાં આવ્યા હતા. અન્ય સસ્પેન્ડ કરાયેલા અધિકારીઓમાં વરિષ્ઠ નાગરિક પોલીસ અધિકારી કે. મનોજ અને નાગરિક પોલીસ અધિકારીઓ શ્રીકુમાર, આશિષ સ્ટીફન, જિનેશ, અભિમન્યુ, વિપિન અને આલ્બિન ઓગસ્ટિનનો સમાવેશ થાય છે.
પોલીસનો દાવો છે કે થમીરનું મોત ડ્રગ્સના ઓવરડોઝને કારણે થયું હતું. જ્યારે મંજેરી મેડિકલ કોલેજમાં પોસ્ટમોર્ટમ કરવામાં આવ્યું ત્યારે તેના પેટમાંથી ક્રિસ્ટલ જેવા પદાર્થના બે પેકેટ મળી આવ્યા હતા. તે કદાચ MDMA હતું. મૃતકના શરીર પર પોલીસની બર્બરતાના નિશાન હતા.
થામીરના પરિવારજનોએ પોલીસ પર ગંભીર આરોપ લગાવ્યા છે. તેમણે કહ્યું કે થામીરને અડધી રાત્રે નહીં પરંતુ સોમવારે સાંજે પાંચ વાગ્યે કસ્ટડીમાં લેવામાં આવ્યો હતો. પોલીસ દ્વારા તેને નિર્દયતાથી મારવામાં આવ્યો હતો. પોલીસ કસ્ટડીમાં રહેલા અન્ય લોકોને કહેવામાં આવ્યું હતું કે તે સ્ટેશન પર પડી ગયો હતો.
