Mukesh Ambani કરતા પણ વધુ અમીર બન્યા ગૌતમ અદાણી, દુનિયામાં સૌથી અમીર કોણ છે જાણો

who is the richest in the world: દેશના દિગ્ગજ ઉદ્યોગપતિ ગૌતમ અદાણીએ ફરી એકવાર રિલાયન્સ ઈન્ડસ્ટ્રીઝના ચેરમેન મુકેશ અંબાણીને સંપત્તિના મામલામાં પાછળ છોડી દીધા છે. બ્લૂમબર્ગ બિલિયોનેર્સ ઈન્ડેક્સ 2024માં બહાર પાડવામાં આવેલી દુનિયાના 500 સૌથી ધનિક લોકોની યાદી દ્વારા આ વાત સામે આવી છે. આ મુજબ, 5 જાન્યુઆરી, 2024 ના રોજ, મુકેશ અંબાણીની કુલ નેટવર્થ US $ 97.0 બિલિયન નોંધવામાં આવી હતી, જ્યારે ગૌતમ અદાણીની કુલ નેટવર્થ US $ 97.60 બિલિયન સુધી પહોંચી હતી.

આ યાદીમાં ગૌતમ અદાણી 12મા સ્થાને છે, જ્યારે મુકેશ અંબાણી 13મા ક્રમે છે. વિશ્વના સૌથી અમીર વ્યક્તિનો તાજ ફરી એકવાર ટેસ્લાના વડા એલોન મસ્કના નામે રહ્યો. તેમની કુલ નેટવર્થ $220 બિલિયન નોંધાઈ હતી. ટોપ-10 ધનિકોમાં નવ અમેરિકાના છે અને તેમાંથી મોટા ભાગના ટેક્નોલોજી કંપનીઓના વડા છે.

આ યાદીમાં માઈક્રોસોફ્ટના બિલ ગેટ્સ 138 બિલિયન ડોલરની કુલ સંપત્તિ સાથે ચોથા સ્થાને છે. તેવી જ રીતે, ફેસબુકના વડા માર્ક ઝકરબર્ગે $138 બિલિયનની કુલ નેટવર્થ સાથે છઠ્ઠા નંબર પર પોતાનું સ્થાન બનાવ્યું છે. વોરેન બફે $122 બિલિયનની નેટવર્થ સાથે આઠમા સ્થાને રહ્યા. અલી બાબાના જેક મા $29 બિલિયનની કુલ સંપત્તિ સાથે 50મા ક્રમે હતા.

વિશ્વના 10 સૌથી ધનિક લોકો અને તેમની કુલ સંપત્તિ:

• એલોન મસ્ક (અમેરિકા) – $220 બિલિયન
• જેફ બેઝોસ (અમેરિકા) – $169 બિલિયન
• બર્નાર્ડ આર્નોલ્ટ (ફ્રાન્સ) – $168 બિલિયન
• બિલ ગેટ્સ (અમેરિકા) – $138 બિલિયન
• સ્ટીવ બાલ્મર (યુએસ) – $128 બિલિયન
• માર્ક ઝકરબર્ગ (અમેરિકા) – $126 બિલિયન
• લેરી પેજ (યુએસ) – $124 બિલિયન
• વોરેન બફેટ (અમેરિકા) – $122 બિલિયન
• લેરી એલિસન (અમેરિકા) – 120 અબજ ડોલર
• સેર્ગેઈ બ્રિન (યુએસ) – $117 બિલિયન

વિશ્વના સૌથી અમીર લોકોની આ યાદીમાં માત્ર ચાર લોકો જ ટોપ 50માં પોતાનું સ્થાન બનાવવામાં સફળ રહ્યા હતા. ગૌતમ અદાણી અને મુકેશ અંબાણી સિવાય શાપૂર મિસ્ત્રી 38માં નંબર પર હતા. તેમની કુલ નેટવર્થ $34.6 બિલિયન હતી. આ સિવાય શિવ નાદરે 45મા નંબરે સ્થાન મેળવ્યું છે. તેમની કુલ નેટવર્થ 33 બિલિયન ડોલર નોંધાઈ હતી. બ્લૂમબર્ગ બિલિયોનેર્સ ઇન્ડેક્સ એ વિશ્વના સૌથી ધનિક લોકોની દૈનિક રેન્કિંગ છે. ન્યૂ યોર્કમાં દરેક ટ્રેડિંગ ડેના અંતે આંકડા અપડેટ કરવામાં આવે છે.