રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માત મોત માં વધારો થઈ રહ્યો છે, હાલના સમયમાં આ રોડ અકસ્માતમાં મોટો વધારો નોંધાઈ રહ્યો છે. ત્યારે આ અકસ્માત માં બનાવમાં નાનાથી લઈને મોટા દરેક ભોગ બનતા રહે છે. ત્યારે પાલનપુર અમદાવાદ હાઇવે પર ભરકાવાડા પાટીયા નજીક હિટ એન્ડ રનની ઘટના સામે આવી છે.
જાણકારી મુજબ, જેમાં હાઇવે પર અજાણ્યા વાહન ચાલક દ્વારા બે રાહદારીઓને ટક્કર મારવામાં આવતા બંને રાહદારીઓના ઘટનાસ્થળ પર મૃત્યુ નીપજ્યા હતા. જ્યારે વાહન ચાલક ટક્કર મારીને નાસી ગયો હતો. ઘટનાની જાણકારી મળતા છાપી પોલીસ ની ટીમ નો કાફલો ઘટનાસ્થળ પર પહોંચી આ મામલામાં તપાસ શરૂ કરી હતી.
ઘટનાને લઈને જણાવી દઈએ કે, બનાસકાંઠા જિલ્લામાં છાપીના ભરકાવાડા પાટીયા નજીક પાલનપુર અમદાવાદ હાઇવે પર અજાણ્યા વાહન દ્વારા બે રાહદારીઓને ટક્કર મારવા આવી હતી. તેના બંને રાહદારીઓ ને ભારે ઈજા પહોંચતા બંનેનું ઘટનાસ્થળ પર મૃત્યુ નીપજ્યું હતું. જ્યારે વાહન ચાલક અકસ્માત સર્જી વાહન લઈને ત્યાંથી નાસી ગયો હતો. અકસ્માત સર્જાતા સ્થાનિક લોકો એકઠા થઈ ગયા હતા. તેમના દ્વારા છાપી પોલીસ ની જાણ કરવામાં આવતા છાપી પોલીસ સ્ટેશનના પીએસઆઇ સહિત પોલીસનો કાફલો ઘટના સ્થળ પર પહોંચી આવ્યો હતો. પોલીસ દ્વારા બંને રાહદારીઓના મૃતદેહ પર કબજો મેળવી પીએમ અર્થે ખસેડી અજાણ્યા વાહન ચાલક સામે પોલીસ દ્વારા તપાસ હાથ ધરવામાં આવી છે.
