રાજ્યમાં સ્થાનિક સ્વરાજ્યની ચૂંટણી 2026ના પરિણામો સામે આવી રહ્યા છે, જેમાં સમગ્ર ગુજરાતમાં Bharatiya Janata Partyને ભવ્ય જીત મળી રહી છે. મતદારો દ્વારા ફરી એકવાર ભાજપ પર વિશ્વાસ વ્યક્ત કરવામાં આવ્યો છે. ખાસ કરીને Aam Aadmi Partyમાંથી ભાજપમાં જોડાયેલા રાજુ કરપડાએ સુરેન્દ્રનગર જિલ્લાના મૂળી-2 બેઠક પર જીત મેળવી છે.
રાજુ કરપડાએ આ બેઠક પર 2502 મતના અંતરથી વિજય નોંધાવ્યો છે. શરૂઆતમાં સવારે તેમની હાર અંગેના સમાચાર ચર્ચામાં હતા, પરંતુ અંતિમ પરિણામોમાં તેમણે 2500થી વધુ મતના મજબૂત અંતરથી જીત હાંસલ કરી છે.
AAP છોડીને ભાજપમાં જોડાયેલા રાજુ કરપડાની આ જીતથી તેમના સમર્થકોમાં આનંદની લાગણી છવાઈ ગઈ છે અને વિસ્તારમાં ઉજવણીનો માહોલ જોવા મળી રહ્યો છે.
