બોલિવૂડના પ્રખ્યાત નિર્દેશક અને અભિનેતા સતીશ કૌશક (Satish Kaushik) નું નિધન થયું છે. અભિનેતા અનુપમ ખેરે ટ્વીટ કરીને આ માહિતી આપી છે. અનુપમ ખેરે લખ્યું છે કે 45 વર્ષની મિત્રતાનો આજે અચાનક અંત આવ્યો છે. સતીશ કૌશિકે 67 વર્ષની વયે અંતિમ શ્વાસ લીધા. અગાઉ સતીશ કૌશિક પણ કોરોના કાળ દરમિયાન કોવિડથી સંક્રમિત થયા હતા. સતીશ કૌશિકના મૃત્યુનું કારણ હાર્ટ એટેક હોવાનું કહેવાય છે, હોસ્પિટલમાં લઈ જતી વખતે તેમનું મૃત્યુ થયું હતું.
જણાવી દઈએ કે 7 માર્ચે સતીશ કૌશિકે (Satish Kaushik) પણ કેટલીક તસવીરો પોસ્ટ કરી હતી જેમાં તે તેના મિત્રો સાથે હોળી રમતા જોવા મળી રહ્યા છે. આ તસવીરોમાં તે પ્રખ્યાત ગીતકાર જાવેદ અખ્તર, ફિલ્મ અભિનેત્રી મહિમા ચૌધરી, ફિલ્મ અભિનેતા અલી ફઝલ અને ફિલ્મ અભિનેત્રી રિચા ચઢ્ઢા સાથે જોવા મળે છે.
તમને જણાવી દઈએ કે 13 એપ્રિલ, 1956ના રોજ હરિયાણાના મહેન્દ્રગઢમાં જન્મેલા સતીશ કૌશિકે 1983માં આવેલી ફિલ્મ ‘માસૂમ’થી પોતાની એક્ટિંગ કરિયરની શરૂઆત કરી હતી. આ પછી તેણે લગભગ 100 ફિલ્મોમાં કામ કર્યું. 1993 માં, કૌશિકે ‘રૂપ કી રાની ચોરોં કા રાજા’ થી ફિલ્મ નિર્દેશનની દુનિયામાં પગ મૂક્યો અને લગભગ એક ડઝન ફિલ્મોનું નિર્દેશન કર્યું.
