કલોલ બસ સ્ટેન્ડમાં બસની રાહ જોતા મુસાફરોને એસ ટી બસે આપ્યું કમકમાટી ભર્યું મોત, ચાર લોકોના મોત
રાજ્ય સહિત સમગ્ર દેશમાં દરરોજ રોડ અકસ્માતમાં મોત થતા હોવાનું સામે આવતું રહે છે. લોકોની બેદરકારીને કારણે અકસ્માત ના મોત માં વધારો થઇ રહ્યો છે, હાલના સમયમાં આ રોડ અકસ્માતમાં મોટા વધારો નોંધાઈ રહ્યો છે. ત્યારે આ અકસ્માતના બનાવમાં નાનાથી લઈને મોટા દરેક ભોગ બનતા રહે છે. ત્યારે આજે વધુ એક કલોલથી સામે આવ્યો છે.
પ્રાપ્ત માહિતી મુજબ, કલોલથી એક ભયંકર અકસ્માતની ઘટના સામે આવી છે. કલોલમાં એસ ટી બસ દ્વારા અકસ્માત સર્જવામાં આવ્યો છે. જેમાં બસની રાહે ઉભેલા લોકો પર એસ ટી બસ ફરી વળતા ભયંકર અકસ્માત સર્જાયો છે. તેમાં ચાર લોકોના મોત નીપજ્યા હોવાનું સામે આવ્યું છે. જ્યારે અનેક લોકો ઈજાગ્રસ્ત થયા છે.
જાણકારી મુજબ, કલોલમાં બસની રાહ માટે લોકો ઉભેલા હતા. તે સમયે ત્યાંથી એસ ટી બસ પસાર થઈ હતી. તેના દ્વારા આ મુસાફરોને અડફેટે લેવામાં આવતા ભયંકર અકસ્માત સર્જાયો હતો. જે,અ ચાર લોકોના ઘટનાસ્થળ પર જ કરૂણ મોત નીપજ્યા હતા. જ્યારે ઈજાગ્રસ્ત લોકોને સારવાર માટે નજીકની હોસ્પિટલમાં લઇ જવામાં આવ્યા છે. ઘટના સર્જાતા સ્થાનિક લોકો મુસાફરોની મદદે દોડી આવ્યા હતા. પરંતુ તે પહોંચે પહેલા જ ચાર લોકોના ઘટનાસ્થળ પર જ મોત નીપજ્યા હતા.