રાજકોટથી અમદાવાદ પુત્રને તેડવા ગયેલા વ્યક્તિએ તંત્રની પોલ ખોલતા કહ્યું, ચોટીલા સુધી બરાબર, પછી તો પોલીસ એન્ટ્રી પોઇન્ટ પર આરામ કરતા હતા
હાલ લોકડાઉન ના સમયમાં દરેકે શહેરના એન્ટ્રી પોઇન્ટ અને રસ્તા પર અનેક જગ્યાએ ચેકીંગ કરવામાં આવી રહ્યું છે ત્યારે રાજકોટના એક વ્યકિતએ અમદાવાદના તંત્રની પોલ ખોલી છે. રાજકોટના કશ્યપ પટ્ટણી અમદાવાદ પોતાના પુત્રને તેડવા ગયા હતા તે સમએ રસ્તામાં થેયલ અનુભવ તેમણે વર્ણવ્યો છે.અમદાવાદ પોલીસ, રાજકોટ પોલીસ અને આરોગ્ય વિભાગ કઈ રીતે કામ કરે છે તેની તેમણે વાત કરી છે. તેમણે રાજકોટ તંત્રની ભારે પ્રશંસા કરી હતી જયારે અમદાવાદ પોલીસ ના કામથી તેઓ નારાજ થયા છે.
તેમણે પોતાની ફેસબુક પોસ્ટમાં અનુભવ લખ્યો છે કે, બેઉ સિટીના એડમિસ્ટ્રેશન નો ફર્ક ઉડીને આંખે વળગે તેવો હતો. હું અહીંથી નીકળ્યા બાદ ચોટીલા સુધી સતત ચેક થયો.. પરંતુ ચોટીલા પછી છેક અમદાવાદમાં ઘરે પહોંચવા સુધી કોઈએ મને પૂછ્યું નહીં કે ક્યાંથી આવો છો? શુ કામ થી આવો છો? કે ના તો મારુ કોઈ જગ્યા એ ટેમ્પરેચર ચેક કર્યું…કાંઈ જ નહીં…અમદાવાદ ના એન્ટ્રી પોઈંટ પર પણ બધા આરામ થી ખુરશીમાં બેઠેલા…પોલીસ તો દરેક રાવટી પાસે હાજર હતી પરંતુ જાણે પૂછનાર કોઈ જ ન હતું…
(સ્વાભાવિક છે કે પોલીસ પણ આખરે માણસ છે તેને પણ થાકોડો લાગતો જ હોય…અને આટલા દિવસો બાદ તેઓ પણ આ શિસ્ત વગરના લોકોથી થાકી ગયા હશે.એમ છતાં પણ ક્યાંક એ મેનેજમેન્ટ લેવલ ની કચાસ ચોક્કસ હતી.) પણ રાત્રે રીટર્ન થતી વખતે કાબીલેદાદ કહેવાય તેવી સિક્યુરિટી લીમડીથી પછી ફરી શરૂ થઈ. રાજકોટ પહોંચ્યા પહેલા જ RMC ની ટીમ દરેક રસ્તા પર પોલીસ સાથે ખભ્ભો મીલાવી ને કામગીરી કરી રહી હતી, મારુ મેડિકલ ચેકઅપ થયું , હાથ પર કવોરંટાઇન ના સિક્કાઓ માર્યા.
કમસેકમ મને 10-12 જગ્યા એ રાજકોટમાં આવ્યા બાદ પણ રોક્યો. દરેક જગ્યા પર કવોરંટાઇન સિક્કા વગેરે ની નોંધ લઇ મારી તમામ ડિટેઇલ, મારો રેફરેન્સ, અરે મારા અડોશ-પડોશ ના કોન્ટેક્ટ નંબર સહિતની વિગતો લઇ તેમને સંતોષ થયા બાદ જ આગળ જવાની પરમિશન મળી.આમ વિચારો તો આ તપાસ કંટાળાજનક લાગે પણ શહેરના હિતમાં આ કેટલું જરૂરી છે તે અમદાવાદ અને રાજકોટ ના ઇન્ફેક્શન ના આંકડા કંપેર કરીએ ત્યારે જ ખબર પડે.
સવારે જ RMC ટીમ આવી ક્વોરંટીનની વિધિ કરી સૌમ્યપૂર્વક કાયદા સમજાવી ફરજ નિભાવી ગયા…આ કોઈ પોલિટીકલ કે કોઈ શહેર વચ્ચેની તુલના નથી જ પણ એક રાજકોટના નાગરિક તરીકે પ્રાઉડ ફિલ કરાવતો પ્રસંગ ચોક્કસ છે કે જે અંદર થી પોકારી રહ્યો છે કે Don’t Worry….We Are in Safe Hands..
