US President Joe Biden : ગુરુવારે એક કાર્યક્રમ દરમિયાન અમેરિકી રાષ્ટ્રપતિ જો બિડેન સ્ટેજ પર બધાની સામે ઉંધા માથે પડી ગયા હતા. આ પછી, તેમણે ધ્યાન દોર્યું કે પગ શેનાથી અથડાયો હતો. આ ઘટનાનો વીડિયો સામે આવ્યો છે.
80 વર્ષીય બિડેનને એરફોર્સના અધિકારીઓએ ઝડપી ઊભા કર્યા હતા. બિડેન કોલોરાડોમાં એરફોર્સ એકેડમીમાં આયોજિત કાર્યક્રમમાં હાજરી આપવા આવ્યા હતા. તેમણે મિલિટરી એકેડમીના સ્નાતકોને સંબોધિત કર્યા. આ પછી તેણે કેડેટ સાથે હાથ મિલાવ્યા અને પોતાની સીટ પર પાછા જતાં હતા.
જ્યારે તેમણે એક બે પગલાં જ ભર્યા ત્યાં તેઓ ઉંધા માથે પડી ગયા હતા. સ્ટેજ પર હાજર વાયુસેનાના અધિકારીઓએ તેમને ટેકો આપીને ઊભા કર્યા હતા . આ દરમિયાન રાષ્ટ્રપતિએ ધ્યાન દોર્યું કે તેમનો પગ અહી નીચે બેગ સાથે સ્પર્શી ગયો હતો.સ્ટેજ પર એક નાની કાળી રેતીની થેલી હતી. બિડેન તેને જોઈ શક્યા નહીં.
🚨 BREAKING: Joe Biden falls at the Air Force Graduation
— Benny Johnson (@bennyjohnson) June 1, 2023
બાદમાં બિડેન સ્ટેજ પર કોઈ પણ ટેકા વિના ચાલતા જોવા મળ્યા હતા. સમારોહના અંતે તેઑ હસતાં હસતાં કારમાં જતાં પણ દેખાયા હતા. આ ઘટના બાદ વ્હાઇટ હાઉસના કોમ્યુનિકેશન ડાયરેક્ટર બેન લાબોલ્ટે ટ્વીટ કર્યું કે તેઓ ઠીક છે. સ્ટેજ પર એક રેતીની થેલી હતી. તેની સાથે તેઓ અથડાયા હતા.
