Booster Dose in India: કોરોનાના નવા વેરિયંટ ઓમિક્રોનનો વધતો ખતરો અને પાંચ રાજ્યોમાં ચૂંટણીની જાહેરાત પછી, દેશે આજથી બુસ્ટર ડોઝ (Precautionary Dose) લેવાનું શરૂ કર્યું છે. કોરોના વેક્સીનનો આ ત્રીજો ડોઝ બૂસ્ટર ડોઝ તરીકે આપવામાં આવી રહ્યો છે. વડા પ્રધાન નરેન્દ્ર મોદીએ ગયા મહિને 25 ડિસેમ્બરે જ બુસ્ટર ડોઝની જાહેરાત કરી હતી. હાલમાં, આ ત્રીજો ડોઝ આરોગ્ય કર્મચારીઓ અને ફ્રન્ટલાઈન કાર્યકરો તેમજ ગંભીર રોગોથી પીડિત વરિષ્ઠ નાગરિકોને આપવામાં આવશે. ચાલો, જાણીએ તેના વિશે બધું…
કોને આપવામાં આવશે બુસ્ટર ડોઝ? દેશમાં હાલમાં આરોગ્ય કર્મચારીઓ, ફ્રન્ટ લાઇન વર્કર્સ અથવા વરિષ્ઠ નાગરિકો કે જેઓ ગંભીર રોગોથી પીડિત છે તેમને બૂસ્ટર ડોઝ મળશે. ગંભીર રોગોથી પીડિત વરિષ્ઠ નાગરિકો તેમના ડૉક્ટરની સલાહ પર જ બૂસ્ટર ડોઝ લઈ શકશે.
સ્વાસ્થ્ય મંત્રાલય દ્વારા સ્પષ્ટતા કરવામાં આવી છે કે બૂસ્ટર ડોઝ માટે કોઈ નોંધણીની જરૂર રહેશે નહીં. જૂના રજીસ્ટ્રેશનના આધારે તેમને કોરોના વેક્સિનનો ત્રીજો ડોઝ આપવામાં આવશે.બૂસ્ટર ડોઝ માટે CoWin એપ પર ફેરફારો કરવામાં આવ્યા છે. એપ પર ત્રીજા ડોઝને લઈને ફીચર જોડવામાં આવ્યું છે. આવી સ્થિતિમાં, તમે આ ફીચર દ્વારા સીધી અપોઈન્ટમેન્ટ લઈ શકો છો. આ સિવાય તમે સીધા વેક્સિનેશન કેન્દ્ર પર જઈને ત્રીજો ડોઝ લઇ શકો છો. અહીં પણ તમારે નવું રજીસ્ટ્રેશન કરાવવાની જરૂર નહીં પડે.
શું બંને ડોઝ અને ત્રીજા ડોઝ વચ્ચે તફાવત હોવો જોઈએ? હા, જો તમને કોરોના વેક્સિનના બંને ડોઝ મળી ચુક્યા છે અને નવ મહિનાનો સમય પસાર થઇ ગયો છે, તો જ તમે ત્રીજા ડોઝ માટે પાત્ર હશો.
શું બુસ્ટર ડોઝને લઈને કોઈ મેસેજ આવશે? આરોગ્ય મંત્રાલય દ્વારા એવા લોકોને મેસેજ મોકલવામાં આવી રહ્યો છે જે નવ મહિના પહેલા વેક્સિનના બંને ડોઝ લઇ ચુક્યા છે. આ ઉપરાંત મંત્રાલય દ્વારા કહેવામાં આવ્યું છે કે જો કોઈને મેસેજ ન મળે તો તેણે તેના બીજા ડોઝ વચ્ચેનો તફાવત જોઈ લેવો જોઈએ.
શું કોઈ બુસ્ટર ડોઝમાં રસી લઈ શકે છે? ના, સ્વાસ્થ્ય મંત્રાલયે પણ આ વિશે સ્પષ્ટપણે કહ્યું છે કે બુસ્ટર ડોઝ અથવા ત્રીજો ડોઝ એ જ વેક્સિનનો આપવામાં આવશે, જે તમને પહેલેથી જ મળી ગયો છે. એટલે કે, જો તમે કોરોના વેક્સિન Covoxin ના બંને ડોઝ લીધા છે, તો ત્રીજો ડોઝ પણ તે જ આપવામાં આવશે. એ જ રીતે, કોવિશિલ્ડ લેનારા લોકોને કોવિશિલ્ડની સમાન બુસ્ટર યોગ્ય પ્રમાણમાં આપવામાં આવશે. બુસ્ટર ડોઝ લગાવવા માટે મતદાર ID, આધાર કાર્ડ, પાન કાર્ડ, ડ્રાઇવિંગ લાયસન્સ માંથી કોઈ પણ એક ઓળખ કાર્ડ સાથે રાખવું જરૂરી છે.
