IPL 2023ની 52મી મેચમાં યુઝવેન્દ્ર ચહલે (Yuzvendra Chahal) 4 ઓવરમાં 29 રન આપીને 4 વિકેટ લીધી હતી. તેણે સનરાઈઝર્સ હૈદરાબાદના ઓપનર અનમોલપ્રીત સિંહ, ત્યારબાદ બેટ્સમેન રાહુલ ત્રિપાઠી, હેનરિક ક્લાસેન અને તેના કેપ્ટન એડન માર્કરામને પેવેલિયનમાં મોકલ્યા. એટલું જ નહીં, તે ચાર વિકેટ લઈને આઈપીએલ ઈતિહાસમાં સંયુક્ત રીતે સૌથી વધુ વિકેટ લેનાર બોલર પણ બન્યો હતો.
યુઝવેન્દ્ર ચહલે (Yuzvendra Chahal) IPL 2023માં બ્રાવોના વર્ષો જૂના રેકોર્ડની બરાબરી કરી છે. હવે તે આગામી મેચમાં માત્ર એક વિકેટ લઈને લીગનો સૌથી મોટો બોલર બની શકે છે. તેણે તેની 142મી આઈપીએલ મેચ (141મી ઈનિંગ)માં 183 વિકેટ પૂરી કરીને બ્રાવોની બરાબરી કરી. બ્રાવોએ 161 મેચની 158 ઇનિંગ્સમાં આટલી વિકેટ લીધી હતી. જ્યારે ચહલે 17થી ઓછી ઇનિંગ્સમાં આવું કર્યું હતું.
આ પણ વાંચો: ચોમાસાને લઈને અંબાલાલ પટેલે કરી આગાહી, આ તારીખથી શરૂ થશે ચોમાસુ
આ મેચની છેલ્લી ક્ષણો સુધી જીત રાજસ્થાનના હાથમાં હતી, પરંતુ હૈદરાબાદની ટીમે હારેલી મેચ જીતી લીધી. રાજસ્થાન માટે ડેથ ઓવરમાં મેચ બચાવનાર સંદીપ શર્માએ પણ આજે લગભગ આવું જ કર્યું હતું. પરંતુ છેલ્લો બોલ નો હતો તે પછી હૈદરાબાદનું નસીબ પલટી ગયું અને પછી અબ્દુલ સમદે સિક્સ ફટકારીને ટીમને 4 વિકેટે જીત અપાવી અને મેચનો હીરો બન્યો. રાજસ્થાનને 11મી મેચમાં છઠ્ઠી હારનો સામનો કરવો પડ્યો હતો. બીજી તરફ 10મી મેચમાં હૈદરાબાદની આ ચોથી જીત હતી.
