કોંગ્રેસ ધારાસભ્ય જીગ્નેશ મેવાણીને લઈને સૌથી મોટા સમાચાર સામે આવ્યા છે. ગુજરાતમાં એક મેટ્રોપોલિટન અદાલત દ્વારા મંગળવારના કોંગ્રેસ ધારાસભ્ય જીગ્નેશ મેવાણી અને 30 અન્ય લોકોને 2017ના કેસમાં નિર્દોષ છોડવામાં આવ્યા છે. તેમની ઉપર 2017 માં રાજ્ય સરકારની નીતિઓ વિરોધમાં ટ્રેન રોકવાનો આરોપ લગાવવામાં આવ્યો હતો.
મુખ્ય મેટ્રોપોલિટન મેજિસ્ટ્રેટ પીએન ગોસ્વામીની અદાલત દ્વારા કોંગ્રેસના દલિત નેતા મેવાણીને નિર્દોષ જાહેર કરવામાં આવ્યા છે. અમદાવાદ પોલીસ દ્વારા 2017 માં મેવાણી સહિત અન્ય પર ટ્રેન રોકો પ્રદર્શન કરવામાં આવ્યું હતું. જેમાં ટ્રેન 20 મિનિટ સુધી કાલૂપુર રેલવે સ્ટેશન પર ટ્રેન રોકવા બાબતમાં તેમના પર ગુનો દાખલ કરવામાં આવ્યો હતો. આ પ્રદર્શન રાજ્ય સરકારની નીતિઓ વિરૂદ્ધ કરાયું હતું.
નોંધનીય છે કે, જીગ્નેશ મેવાણી અને અન્ય 30 ની વિરૂદ્ધ ભારતીય દંડ સહિતાની વિવિધ કલમો દાખલ કરાઈ હતી. જ્યારે 31 માંથી 30 મહિલા રહેલી હતી. જેમની વિરૂદ્ધ રેલવે એક્ટની કલમ 153 હેઠળ કેસ દાખલ કરાયો હતો. વર્ષ 2021 માં એક સત્ર અદાલત દ્વારા મેવાણીને નિર્દોષ જાહેર કરવાનો ઈન્કાર કર્યો હતો. તેની સાથે ગત વર્ષે અમદાવાદના ઈનકમ ટેક્સ સર્કલ પર 2016 માં હોબાળો કરવાની સાથે જાહેર સંપત્તિને નુકસાન પહોંચાડવાના કેસમાં તેમને નિર્દોષ જાહેર કરવામાં આવ્યા હતા.
