Karnataka Election Results : કર્ણાટકમાં કોંગ્રેસ (Congress)ની જીત પર રાહુલ ગાંધી (Rahul Gandhi)એ કહ્યું કે હું કર્ણાટકની જનતાને જીત માટે અભિનંદન આપું છું. રાહુલે કહ્યું કે અમે પ્રેમથી નફરતને હરાવી. કર્ણાટકમાં નફરતનું બજાર બંધ, પ્રેમની દુકાન ખુલી. અમે કર્ણાટકની જનતાને 5 વચનો આપ્યા હતા, અમે પ્રથમ કેબિનેટમાં પહેલા દિવસે આ વચનો પૂરા કરીશું.
રાહુલે કહ્યું, ‘સૌ પ્રથમ હું કર્ણાટક (Karnataka) ના અમારા કાર્યકર્તાઓને, અમારા નેતાઓને અભિનંદન આપું છું. કોંગ્રેસ પાર્ટી કર્ણાટકમાં ગરીબોની સાથે ઉભી છે. અમે આ યુદ્ધ પ્રેમથી લડ્યા. કર્ણાટક બતાવ્યું છે કે આ દેશ પ્રેમને ચાહે છે. રાહુલ પહેલા કોંગ્રેસ અધ્યક્ષ મલ્લિકાર્જુન ખડગેનું નિવેદન સામે આવ્યું છે. તેમણે કહ્યું, ‘ગાંધી પરિવારના કારણે કોંગ્રેસ એક થઈને લડી છે. જ્યારે તેમની તબિયત સારી ન હતી ત્યારે પણ સોનિયાએ પ્રચાર કર્યો હતો. જીતનો શ્રેય સોનિયા, રાહુલ અને પ્રિયંકાને જાય છે.
ખડગેએ કહ્યું, ‘કોંગ્રેસની જીત જનતાની જીત છે. લોકોએ ભ્રષ્ટ સરકારને હરાવી છે. આપણે આગળ ઘણું કરવાનું છે. અમારે અમારા વચનો પૂરા કરવાના છે, અમે અમારી 5 ગેરંટી પૂરી કરીશું. આગામી દિવસોમાં પણ, જ્યાં પણ રાજ્યની ચૂંટણીઓ યોજાશે, અમે કર્ણાટકની જેમ ચૂંટણી જીતવાનો પૂરો પ્રયાસ કરીશું. અહીં (કર્ણાટક) ધારાસભ્યોની બેઠક થશે, બધા દ્વારા (મુખ્યમંત્રીના નામ પર) જે સર્વસંમતિ થઈ છે તે હાઈકમાન્ડ સમક્ષ મૂકવામાં આવશે. હાઈકમાન્ડ અંતિમ નિર્ણય લેશે.
