મોડલ અને એક્ટ્રેસ આકાંક્ષા દુબે (akanksha dubey)ના મોતના સમાચારથી ભોજપુરી સિનેમામાં મૌન છવાઈ ગયું છે. રવિવારે અભિનેત્રીએ બનારસની એક હોટલમાં ગળેફાંસો ખાઈ જીવનનો અંત આણ્યો હતો. અભિનેત્રીના આકસ્મિક અવસાનથી તેના પરિવાર અને તમામ ચાહકોનું દિલ તૂટી ગયું છે. આકાંક્ષા દુબેના અવસાનથી બધાને ઘેરો આઘાત લાગ્યો છે.
અભિનેત્રી akanksha dubey ની માતાનો દાવો છે કે તેમની પુત્રીની હત્યા કરવામાં આવી છે. આકાંક્ષા દુબેના પરિવારજનોને વિશ્વાસ નથી કે તેમની પુત્રી આત્મહત્યા કરી શકે છે. અભિનેત્રીની માતા મધુ દુબેએ ભોજપુરી ગાયક સમર સિંહ અને તેના ભાઈ સંજય સિંહ પર તેની પુત્રીની હત્યા કરવાનો આરોપ લગાવ્યો છે.
भोजपुरी अभिनेत्री आकांक्षा दुबे ने वाराणसी के होटल में फांसी लगाकर जान दी।
कल देर रात आकांक्षा इंस्टाग्राम पर लाइव आई थीं, उस वक्त वह रो रही रहीं थी, उसी वक्त मैंने ये वीडियो स्क्रीन रिकॉर्ड कर लिया था..#akankshadubey #bhojpuriactress pic.twitter.com/0UJuYtT9O2
— Aman Tiwari (@amantiwari_) March 26, 2023
આકાંક્ષા દુબેના મૃત્યુના રહસ્ય વચ્ચે હવે તેનો એક વીડિયો સોશિયલ મીડિયા પર વાયરલ થઈ રહ્યો છે, જેમાં અભિનેત્રી રડતી જોવા મળી રહી છે. કહેવામાં આવી રહ્યું છે કે આ વાયરલ વીડિયો અભિનેત્રીના મૃત્યુ પહેલાનો છે. આત્મહત્યા કરતા પહેલા, તે ઇન્સ્ટાગ્રામ પર લાઇવ આવી હતી, જેમાં તેના ચહેરા પર ઉદાસી અને તેની આંખોમાં આંસુ જોઇ શકાય છે.
વીડિયોમાં જોઈ શકાય છે કે આકાંક્ષા મોં પર હાથ રાખીને રડી રહી છે. તે ખૂબ જ ઉદાસ અને અસ્વસ્થ દેખાય છે. આકાંક્ષાના આ વીડિયોએ તેના તમામ ચાહકોને દુઃખી કરી દીધા છે અને અભિનેત્રીના મૃત્યુ પર પણ સવાલો ઉભા કર્યા છે. વાયરલ વીડિયો પર તેના તમામ ફેન્સ અભિનેત્રીને ભીની આંખો સાથે શ્રદ્ધાંજલિ આપી રહ્યા છે.
આકાંક્ષા દુબેએ રવિવારે ફાંસી લગાવીને આત્મહત્યા કરી લીધી હતી. વારાણસીના સારનાથ પોલીસ સ્ટેશન વિસ્તારની એક હોટલના રૂમમાં આકાંક્ષા દુબેની લાશ ફાંસીથી લટકતી મળી આવી હતી. જો કે અભિનેત્રીની માતાએ પોતાની પુત્રીના મોતને હત્યા ગણાવી છે.
