કલકત્તા મેડિકલ કોલેજ (સીએમસી) હોસ્પિટલ એ બંગાળની પ્રીમિયર સરકારી સંસ્થા છે. અહીં કામ કરતા સાત ડોકટરો કોરોના વાયરસ પોઝિટિવ હોવાનું માલુમ પડયા બાદ અન્ય તબીબોએ તેમની સલામતી અંગે ચિંતા વ્યક્ત કરી છે. એક ખુલ્લા પત્રમાં સીએમસીના 200 થી વધુ જુનિયર ડોકટરોએ કોવિડ -19 શંકાસ્પદ લોકો પર નબળા સંચાલનના સંચાલનનો આરોપ મૂક્યો છે.
એશિયાની આ પ્રથમ મેડિકલ કોલેજમાં કાર્યરત જુનિયર ડોકટરો કહે છે કે પરિસ્થિતિને નબળી રીતે સંચાલન કરવાને કારણે આ સંસ્થા આરોગ્ય કર્મચારીઓ અને દર્દીઓ માટે જોખમી ક્ષેત્ર બની ગઈ છે.
જુનિયર ડોકટરોએ તમામ ફ્રન્ટલાઈન મેડિકલ ટીમોના ટેસ્ટ માટે માંગ કરી છે. પત્ર પર હસ્તાક્ષર કરનાર એક જુનિયર તબીબે નામ ન આપવાની શરતે જણાવ્યું હતું કે કોવિડ-19 શંકાસ્પદ લોકોના સંપર્કમાં આવતા ફ્રન્ટલાઈન ડોકટરોને એન 95 માસ્ક પણ પૂરા પાડવામાં આવ્યા ન હતા.
નવી ગાઇડલાઇન અનુસાર, N95 માસ્ક તમામ આરોગ્ય કર્મચારીને ઉપલબ્ધ કરાવવું જરૂરી છે. સમસ્યા એ છે કે આ માસ્ક ફક્ત એકાદ બે જગ્યા પર કામ કરવાવાળા લોકોને જ અપાઈ રહયા છે.ઓપીડી અને અન્ય વિભાગોમાં આ આપવામાં આવતું નથી. અમે સતત તેની માંગ કરી રહયા છીએ.
શરૂઆતમાં રાજ્યમાં PPE કીટ ને લઈને સમસ્યા ઉભી થઈ હતી. અમને રેઇનકોટ પૂરા પાડવામાં આવ્યા હતા. હવે સ્થિતિ સારી છે. અમને પીપીઇ કિટ્સ આપવામાં આવી રહી છે, પરંતુ એન 95 માસ્કની ઘણી અછત છે.
