સીરીયલ તારક મહેતા કા ઉલ્ટા ચશ્મા સૌથી લોકપ્રિય ટેલિવિઝન શોમાંથી એક છે. આ શો હંમેશા દર્શકોને તેની કહાની સાથે જોડવામાં સફળ રહ્યો છે. ચાહકો ગોકુલધામના દરેક રહેવાસીને ખૂબ પસંદ કરે છે. જેઠાલાલ, બબીતા, ઐયર, ભીડે, રોશન સોઢી, પોપટલાલ, તારક મહેતા અને અન્ય તમામ સભ્યો. શોમાં દયાબેન અને જેઠાલાલની જોડીને ખૂબ પસંદ કરવામાં આવી હતી. જો કે, હવે દયાબેન એટલે કે દિશા વાકાણી આ શોનો ભાગ નથી.
જેઠાલાલ એટલે કે દિલીપ જોષી અને દયાબેને પોતાની ક્યૂટ કેમેસ્ટ્રીથી દરેકના દિલ પર રાજ કર્યું છે. હવે આ શોનો એક જૂનો વીડિયો વાયરલ થઈ રહ્યો છે. વીડિયોમાં દિલીપ અને દિશા શોમાં ડાન્સ પરફોર્મન્સ માટે રિહર્સલ કરતા જોઈ શકાય છે. આ એક થ્રોબેક વીડિયો છે જે સોશિયલ મીડિયા પર સામે આવ્યો છે અને ચાહકો તેને પસંદ કરી રહ્યા છે. બંને યસ બોસ ફિલ્મના એક દિન આપ યુ હમસે મિલ જાયેંગે ગીત પર ડાન્સ કરતા જોવા મળે છે. જુઓ વિડીયો..
આ વીડિયો પર કોમેન્ટ કરતાં એક યુઝરે લખ્યું કે મહેરબાની કરીને દયા ભાભીને શોમાં પાછા લાવો, શો સુપરહિટ થઈ જશે. અન્ય યુઝરે લખ્યું કે આ વીડિયો જૂનો છે કે નવો, કૃપા કરીને જણાવો. ચાહકો તેના ડાન્સને જબરદસ્ત ગણાવી રહ્યા છે. આ વીડિયોમાં બંને ફોર્મલ ડ્રેસમાં જોવા મળી રહ્યા છે.
તમને જણાવી દઈએ કે જેઠાલાલ અને દયાનો આ જુનો વીડિયો જૂના દિવસોની યાદો તાજી કરાવે છે અને ચાહકો બંનેને એકસાથે જોવાની આતુરતાથી રાહ જોઈ રહ્યા છે. દિલીપ અને દિશા બંને ઘણીવાર તેમના ઑફ-સ્ક્રીન સંબંધો વિશે વાત કરી ચૂક્યા છે. ડેક્કન ક્રોનિકલને આપેલા ઈન્ટરવ્યુમાં દિશા અને દિલીપે કહ્યું હતું કે તેઓ એકબીજાનું સન્માન કરે છે.
