કર્ણાટકમાં સ્કૂલ કોલેજમાં હિજાબ પહેરીને પ્રવેશવાનો વિવાદ અટકવાનું નામ નથી લઈ રહ્યો. દરમિયાન AIMIM ચીફ અસદુદ્દીન ઓવૈસીનું નિવેદન સમાચારોમાં રહે છે. સભાને સંબોધતા ઓવૈસીએ દાવો કર્યો હતો કે એક દિવસ દેશના વડાપ્રધાન હિજાબ પહેરેલી મહિલા બનશે અને હિજાબ પહેરીને શાળા અને કોલેજમાં જવાનો પણ બચાવ કર્યો હતો.
અસદુદ્દીન ઓવૈસીએ કહ્યું કે જો અમારી દીકરીઓ નક્કી કરે કે અબ્બા કે અમ્મી મારે હિજાબ પહેરવું છે. અબ્બા-અમ્મી પણ કહેશે કે દીકરા તું હિજાબ પહેર, અમે પણ જોઈશું કે તને કોણ રોકે છે. હિજાબ પહેરીને કૉલેજ જઈશ, ડૉક્ટર બનીશ, કલેક્ટર પણ બનીશ, SDM પણ બનીશ, બિઝનેસમેન પણ બનીશ અને એક દિવસ યાદ રાખજો કદાચ હું જીવતો નહી હોઉં પણ તમે જુઓ હિજાબ પહેરીને છોકરી દેશની પીએમ પણ બનશે.
इंशा’अल्लाह pic.twitter.com/lqtDnReXBm
— Asaduddin Owaisi (@asadowaisi) February 12, 2022
આ સિવાય ઓવૈસીએ દેશના વડાપ્રધાન નરેન્દ્ર મોદી પર પણ નિશાન સાધ્યું હતું. તેમણે કહ્યું કે તેઓ ટ્રિપલ તલાક કાયદાથી દેશની મહિલાઓને સશક્ત બનાવવાની વાત કરી રહ્યા છે. શું આ તેમનું ‘બેટી બચાવો, બેટી પઢાવો’ અભિયાન છે? આ સાથે તેણે વાયરલ વીડિયોનો પણ ઉલ્લેખ કર્યો, જેમાં હિજાબ પહેરેલી એક મહિલા ‘અલ્લાહ હુ અકબર’ના નારા લગાવતી જોવા મળી હતી.
