આલિયા ભટ્ટ અને રણબીર કપૂરના લગ્નને લઈને કેટલાક ચોંકાવનારા સમાચાર સામે આવ્યા છે. આલિયાએ મીડિયા સાથેની વાતચીતમાં કહ્યું છે કે તે પરિણીત છે. આ સાંભળીને તેના ચાહકો આશ્ચર્યચકિત થઈ ગયા છે. કારણ કે, આલિયા-રણબીરના લગ્નની લાંબા સમયથી રાહ જોવાઈ રહી છે. આવી સ્થિતિમાં આલિયાનો આ જવાબ થોડો ચોંકાવનારો છે.
એનડીટીવી સાથેની વાતચીતમાં જ્યારે આલિયા ભટ્ટને તેના લગ્ન વિશે પ્રશ્ન પૂછવામાં આવ્યો ત્યારે અભિનેત્રીએ કહ્યું કે રણબીર સાથેના તેના લગ્ન મનમાં થઈ ચૂક્યા છે. હવે તે આલિયાની મજાક હતી કે બીજું કંઈક. આલિયા-રણબીરના લગ્નના સમાચાર ઘણા સમયથી આવી રહ્યા છે. કહેવામાં આવી રહ્યું છે કે આ વર્ષે બંને લગ્નના બંધનમાં બંધાશે. બંનેએ ઘણા સમય પહેલા જ પોતાના સંબંધોને ઓફિશિયલ કરી દીધા હતા. હવે તેમના લગ્નની રાહ જોવાઈ રહી છે.
તમને જણાવી દઈએ કે આલિયા ભટ્ટ તેની આગામી ફિલ્મ ‘ગંગુબાઈ કાઠિયાવાડી’ને લઈને ચર્ચામાં છે. ફિલ્મનું ટ્રેલર સામે આવ્યા બાદ તેના લુકની ખૂબ પ્રશંસા થઈ રહી છે. રણબીર કપૂરે પણ તેનો સીન રીક્રિએટ કર્યો, જેના પર આલિયાએ પ્રેમભરી પ્રતિક્રિયા આપી અને તેને બેસ્ટ બોયફ્રેન્ડ કહ્યો. આ સાથે નીતુ કપૂરે પણ આલિયાના લુકની પ્રશંસા કરી હતી.
