GujaratInternationalUSA

કબૂતરબાજી દ્વારા અમેરિકામાં ઘૂસેલા ગુજરાતીઓ પર લટકી તલવાર, અમેરિકાની એમ્બેસીને કરવામાં આવશે જાણ

ગાંધીનગર પોલીસે હાલમાં કબૂતરબાજી કૌભાંડ પર્દાફાશ કર્યો હતો, આ મામલે ચાર આરોપીઓની ધરપકડ કરવામાં આવેલ છે જેમાં પ્રજાપતિ રાજુ, હરેશ પટેલ, હાર્દિક પટેલ તથા રજત ચાવડાની ધરપકડ કરવામાં આવી છે. આ કબૂતરબાજી કૌભાંડના આરોપીઓ કરોડો રૂપિયા લઈને ગેરકાયદે રીતે લોકોને વિદેશમાં મોકલતા હતા.

આ આરોપીઓ ખોટા દસ્તાવેજ બનાવડાવી ડુપ્લીકેટ પાસપોર્ટ ઈશ્યુ કરાવી દેતા હતા અને ભારતીય નાગરિકોને ગેરકાયદેસર રીતે યુ.એસ બોર્ડરથી ઘૂસણખોરી કરવામાં આ આરોપીઓ સંડોવાયેલા હતા. આ આરોપી દ્વારા અત્યાર સુધીમાં 30 જેટલા ભારતીય નાગરિકોને પાસપોર્ટ તથા વિઝા કઢાવી વિદેશ મોકલી દીધા હોવાનું સામે આવ્યું છે, ત્યારે હવે આ રીતે કબૂરબાજી દ્વારા અમેરિકામાં ઘૂસેલા ગુજરાતીઓ પર હવે લટકી તલવાર જોવા મળી રહી છે. આ રીતે કબૂતરબાજીથી ઘૂસેલાં ગુજરાતી લોકોની જાણ અમેરિકાની એમ્બેસીને કરવામાં આવશે. આવા પ્રકારની ઘટનાઓ બનતા અમદાવાદ ક્રાઈમ બ્રાંચ પણ હવે એક્ટિવ થઇ ગઈ છે.

અમદાવાદ ક્રાઈમ બ્રાંચના સૂત્રોનું માનવામાં આવે તો આ ગેરકાયદેસર રીતે અમેરિકામાં ઘૂસેલા ગુજરાતીઓની જાણ અમેરિકાની એમ્બેસીને કરવામાં આવશે. અને જો આ અંગે જરૂર પડશે તો લુકઆઉટ નોટિસ પાઠવવાની કાર્યવાહી પણ કરવામાં આવશે. આ ઉપરાંત આ રીતે ગેરકાયદેસર રીતે ઘૂસાડી રહેલા આ કબૂતરબાજીમાં અન્ય એજન્ટો પણ સક્રિય છે કે નહિ તે દિશામાં તપાસ હાથ ધરવામાં આવશે.

આ મામલે ક્રાઈમ બ્રાંચના અધિકારીઓએ જણાવ્યું હતું કે, આ ઝડપાયેલા એજન્ટ હરેશ પટેલ મારફતે જે ગુજરાતીઓ અમેરિકામાં ગેરકાયદેસર રીતે ઘુસ્યા છે. એવા લોકોની માહિતી એકત્રિત કરવામાં આવી રહી છે. હાલમાં અમદાવાદ ક્રાઈમ બ્રાંચ દ્વારા આ કબૂતરબાજીના કાવતરાની ઉંડાણપૂર્વક તપાસ કરવામાં આવી રહી છે.

આ કામ માટે એક વ્યક્તિ દીઠ 60 થી 65 લાખ રૂપિયા લેવામાં આવતું હોવાનું સામે આવ્યું હતું. ત્યારે આ બાબત ક્રાઇમ બ્રાન્ચના ધ્યાન પર આવતા આખા રેકેટનો પર્દાફાશ કરી દીધો હતો. જો કે આરોપીઓએ અત્યાર સુધીમાં કેટલાય લોકોને આ રીતે બનાવટી પાસપોર્ટ બનાવી દઈને વિદેશ મોકલી આપ્યા છે. જેમના પર હવે સંકટ મંડરાઈ રહ્યું છે.

મુકેશ અંબાણીની નાની વહુ, લક્ઝરી વસ્તુઓની શોખીન, છે આટલી સંપત્તિ નામચીન યુટ્યુબર Elvish Yadav ફરાર: નોઇડામાં રેવ પાર્ટીઓ કરાવતો ડેરી ફાર્મમાં લાગી આગ, 18,000 ગાયોના કરૂણ મોત આ અધિકારી 10માં ધોરણમાં નાપાસ થયા હતા, UPSC પાસ કરી હાલમાં ગુજરાતમાં એડિશનલ કમિશનર છે