ગુજરાતના પ્રખ્યાત 90 વર્ષીય યોગી પ્રહલાદ જાની કે જે ચુંદડીવાળા માતાજીના નામથી જાણીતા હતા તેમનું નું મંગળવારે સવારે ગાંધીનગર જિલ્લાના તેમના ગામ ચરાડામાં નિધન થયું હતું.તમને જણાવી દઈએ કે તેઓ 76 વર્ષથી પણ વધુ સમયથી ખોરાક લીધા વિના ટકી રહેવાના તેમના દાવા માટે જાણીતા હતા. ગુજરાતમાં મોટી સંખ્યામાં તેમના અનુયાયીઓ છે.
તમને જણાવી દઈએ કે તેમના શિષ્યો દ્વારા કરાયેલા એક નિવેદન અનુસાર,ચુંદડીવાળા માતાજીએ વડીલોના ગામમાં થોડો સમય પસાર કરવાની ઇચ્છા વ્યક્ત કરી હતી.અહી ઉલ્લેખનીય છે કે તેમના પાર્થિવ મૃતદેહને શ્રદ્ધાંજલિ આપવા અને ભક્તોને દર્શન કરવા માટે બનાસકાંઠા જિલ્લાના અંબાજી મંદિર નજીક આશ્રમમાં રાખવામાં આવશે. જ્યાં તેને ગુરુવારે સમાધિ અપાશે.પ્રહલાદ જાની ચુંદડી પહેરીને મહિલાની જેમ પોતાનું જીવન પસાર કરનાર માં અંબેના ઉપાસક હોવાના કારણે તેઓ ચુંદડીવાળા માતાજીના નામથી જાણીતા હતા.
તમને જણાવી દઈએ કે સંતપ્રહલાદ જાનીએ 2003 અને 2010 માં પણ ખોરાક લીધા વિના ટકી રહેવાનો દાવો કર્યો હતો જેને લઈને વૈજ્ઞાનિકોએ પણ તેમની કસોટી કરી હતી. 2010 માં, ડિફેન્સ ઇન્સ્ટિટ્યૂટ ઑફ ફિઝિયોલોજી એન્ડ એલાઇડ સાયન્સિસ ના વૈજ્ઞાનિકો અને ડોકટરોએ 15 દિવસ સુધી તેનું નિરીક્ષણ કર્યું હતું. ડીઆઇપીએએસએ જણાવ્યું હતું કે ભૂખ અને પાણીને ટાળવા માટે તેમની પાસે રીડન્ડન્સી પ્રકારનું અનુકૂલન છે.જેના કારણે તેઓ ખોરાક અને પાણી વગર ટકી રહ્યા હતા. તેમણે કરેલા દાવાઓ વિજ્ઞાનને પણ ખોટા પાડી ચૂક્યા છે.
તમને જણાવી દઈએ કે તેમના શિષ્યોએ અહેવાલ આપ્યો છે એ મુજબ યોગી પ્રહલાદ જાની આધ્યાત્મિક અનુભવની શોધમાં ખૂબ જ નાની ઉંમરે ઘરેથી નીકળી ગયા હતા. 14 વર્ષની ઉંમરથી જ તેમણે ખાવા-પીવાનું પણ છોડી દીધું હતું. તેઓ એક યોગી તરીકે લોકોમાં લોકપ્રિય બન્યા હતા. શિષ્યોના જણાવ્યા મુજબ, તેમણે 76 વર્ષ ખોરાક ખાધા વગર અને પાણી વિના વિતાવ્યા હતા. તેઓ કહેતા હતા કે માતા દેવીએ તેમને જીવંત રાખ્યા છે.
શું કોઈ વ્યક્તિ કંઈપણ ખાધા-પીધા વગર જીવી શકે છે? તે પણ એક દિવસ, એક અઠવાડિયા અથવા મહિના માટે નહીં પણ પૂરા 76 વર્ષ સુધી. એટલું જ નહીં, યોગ દ્વારા દૈનિક પ્રવૃત્તિઓ (શૌચાલય) રોકી શકાય છે. તમે વાત સાંભળીને વિશ્વાસ કરી શકશો નહીં, પરંતુ આ સાચું છે. ગુજરાતના જ આ પ્રહલાદ જાનીનો પણ આવો જ દાવો છે. 90 વર્ષના પ્રહલાદ જાનીએ કહ્યું હતુ કે તેમણે 76 વર્ષથી કંઈપણ ખાધું નથી પીધું નથી. પણ તેઓએ યોગની શક્તિ પર તેમની દૈનિક પ્રવૃત્તિઓ (શૌચાલય) બંધ કરી દીધી છે. અને આ બધા પછી પણ, તેઓ સંપૂર્ણપણે સ્વસ્થ, સ્વસ્થ અને જીવંત હતા.છેવટે તેમની તબિયત બગડ્તા તેમને ખાનગી હૉસ્પિટલમાં દાખલ કરવામાં આવ્યા હતા છેવટે તેમણે આ દુનિયાને અલવિદા કહી દીધી હતી.
પ્રહલાદ જાનીના દાવાઓએ વૈજ્ઞાનિકો અને ડોકટરોને પણ આશ્ચર્યચકિત કરી નાખ્યા હતા. ભારત અને વિદેશના ડોકટરો સહિત ઇસરોના વૈજ્ઞાનિકો પણ પ્રહલાદ જાનીનું રહસ્ય જાણવા માગતા હતા. આ માટે દેશની જાણીતી સંસ્થા ડીઆરડીઓના વૈજ્ઞાનિકોની ટીમે અને કેટલીક વખત મોટા ડોકટરોની પેનલ દ્વારા સીસીટીવી કેમેરાની નજરમાં પ્રહલાદ જાનીને 15 દિવસથી લઈને એક મહિના સુધી 24 કલાક રાખવામાં આવ્યા હતા. જ્યાં તેમનો એક-એક સેકંડનો વીડિયો પણ લેવામાં આવ્યો હતો. આ સમય દરમિયાન તે ન તો ખાતા, ન પાણી પીતા, ન તો શૌચાલય જતા. તે પછી ડોક્ટરથી લઈને વિજ્ઞાનિક સુધીના દરેકને આશ્ચર્ય થયું કે કોઈ વ્યક્તિ આટલા વર્ષો ખાધા-પીધા વિના અને શૌચાલયમાં જઇને કેવી રીતે જીવી શકે. જે પછી, ડોકટરોએ તેમના શરીરની અંદરની ક્રિયાઓ વિશે જાણવા માટે તેમના માટે અનેક પરીક્ષણો પણ કર્યા. જેમાં ખુલાસો થયો કે પ્રહલાદ જાનીના મૂત્રાશયમાં યુરેલિનની રચના થઈ છે, પરંતુ વિજ્ઞાન પણ તે ક્યાં ગાયબ થઈ જતું હતું તે શોધવામાં નિષ્ફળ રહ્યું છે. ત્યારથી, જાની તબીબી વિજ્ઞાન માટે એક રહસ્યમય કોયડો રહી ચૂક્યા હતા.
ચુંદડીવાળા માતાજી વિષે કેટલીક વાતો તમને કરીએ તો,ચુંદડીવાળા માતાજી મહેસાણાના ચરાડા ગામના વતની હતા.તેમનું નામ પ્રહલાદ જાની હતું. તેઓ 12 વર્ષના હતા ત્યારથી જ તેમણે અન્ન-જળનો ત્યાગ કર્યો હતો.તમને જણાવી દઈએ કે પ્રહલાદ જાની છેલ્લા 76 વર્ષથી અન્ન-જળ વિના જીવતા હતા. તમને જણાવી દઈએ કે માતાજીએ પોતાની મૂર્તિની જીવતે પ્રાણપ્રતિષ્ઠા કરી હતી. ચુંદડીવાળા માતાજી પર વૈજ્ઞાનિકોએ પણ કર્યા હતા અનેક પરિક્ષણ. ચુંદડીવાળા માતાજી એક ચમત્કારનો ભાગ કહી શકાય. તમને જણાવી દઈએ કે ચુંદડીવાળા માતાજી કઈ રીતે ભુખ્યા રહેતા હતા તે હજી પણ એક રહસ્ય જ છે. તમને જણાવી દઈએ કે ચુંદડીવાળા માતાજીને મા અંબા પ્રત્યે અખૂટ શ્રદ્ધા હતી. 2005-06માં પ્રહલાદ જાની પર અમદાવાદની ખાનગી હોસ્પિટલમાં તેમના પર એક પરીક્ષણ થયું હતું પરંતુ ડોક્ટરો પણ આ બાબતે કઈ ઉપજાવી શક્યા નહોતા. અહી ઉલ્લેખનીય છે કે પ્રહલાદ જાનીએ મા અંબાજીના ઉપાસક હોવાનો દાવો કર્યો હતો.
