આ વિશ્વમાં માતા પિતા એ હંમેશા પોતાના બાળકને પોતાનાથી વધુ સફળ થતા જોવા માંગે છે. એમાં પણ જયારે ઘરની દીકરી પરિવારનું નામ રોશન કરે છે તો તેનાથી માતા પિતાનું માથું ગર્વથી ઊંચું થઇ જતું હોય છે. આજે એવો જ એક ફોટો સોશિયલ મીડિયા પર શેર થઇ રહ્યો છે. આ ફોટોમાં એક પિતા પોતાની DSP દીકરીને સેલ્યુટ કરી રહ્યા છે અને આ દ્રશ્ય બધાને ભાવુક કરી દેનારું છે.
આંધ્રપ્રદેશના એક ઈન્સ્પેક્ટર વાય શ્યામ સુંદર માટે તે ગર્વની ક્ષણ હતી, જ્યારે તેમણે તેમની પુત્રી યેન્દાલુરુ જેસી પ્રશાંતીને સલામ કરી હતી. હાલમાં યેન્દાલુરુ જેસી પ્રશાંતી આંધ્ર પ્રદેશના ગુંટુર જિલ્લાના નાયબ પોલીસ અધિક્ષક (ડીએસપી) તરીકે નિયુક્ત છે. પિતા-પુત્રીની આ તસવીર સોશિયલ મીડિયા પર ઝડપથી વાયરલ થઈ રહી છે અને લોકો તેને ખૂબ પસંદ કરી રહ્યા છે. આ સાથે તેઓ કોમેન્ટ કરીને પોતાની પ્રતિક્રિયા વ્યક્ત કરી રહ્યા છે. તમને જણાવી દઈએ કે, જેસી પ્રશાંતી વર્ષ 2018 બેચની પોલીસ ઓફિસર છે અને તે હાલમાં આંધ્ર પ્રદેશના દક્ષિણી શહેર ગુંટુરમાં પોતાની ફરજ બજાવી રહી છે.
પ્રશાંતિના પિતા શ્યામસુંદર તિરૂપતિ કલ્યાણ ડેમ પોલીસ પ્રશિક્ષણ કેન્દ્રમાં સીઆઈ છે. દીકરી અને પિતાની મુલાકાત ‘પોલીસ મીટ દરમિયાન થઇ હતી. અહીંયા બાપ દીકરીને આ રીતે જોઈને તેમના ચહેરા પર ખુશી આવી ગઈ હતી. ખાસ વાત એ છે કે આવું પહેલીવાર થયું હતું જયારે જેસી પોતાના પિતા સામે DSPના રૂપે આવી હતી અને આ દરમિયાન તે અસહજ અનુભવ કરી રહી હતી.
મીડિયા સાથે વાત કરતી વખતે જેસીએ તેના પિતા વિશે જણાવ્યું હતું કે, આ પહેલીવાર છે જ્યારે અમે ડ્યુટી પર મળ્યા હતા. મેં તેને કહ્યું કે મને સલામ ન કરો, પણ થયું. મેં પણ પાછળ વળીને તેને સલામ કરી. તે જ સમયે, આંધ્ર પ્રદેશ પોલીસે પુત્રી અને પિતા સાથે સંબંધિત આ તસવીરો પણ ટ્વીટ કરી હતી અને એ પણ લખ્યું હતું કે, “સર્કલ ઇન્સ્પેક્ટર શ્યામ સુંદરને ગર્વ અને સન્માન સાથે તેમની પુત્રી જેસી પ્રશાંતિને સલામ કરે છે જે તિરુપતિમાં ઇગ્નાઇટમાં ડીએસપી છે.”
રસપ્રદ વાત એ છે કે જ્યાં પિતા ડ્યુટી દરમિયાન પોતાની દીકરીને સેલ્યુટ કરી રહ્યા છે અને પછી ઘરે તે એક પ્રેમાળ પિતા બની જાય છે. દીકરીના હાથે ભોજન જમે છે. પછી જયારે તેઓ ડ્યુટી પર હોય છે ત્યારે તે બંને ઓફિસરો જેવો વ્યવહાર કરે છે.
તમને જણાવી દઈએ કે, આ પહેલા પણ વર્ષ 2018માં દીકરી અને પિતાનો આવો નજારો જોવા મળ્યો હતો. વાસ્તવમાં, આ દરમિયાન પૂર્વ ડેપ્યુટી પોલીસ કમિશનર એઆર ઉમા મહેશ્વરા સરમાએ તેમની પુત્રી સિંધુ સરમાને સલામ કરી હતી. આ સમય દરમિયાન સિંધુ સરમા તેલંગાણાના જગત જિલ્લામાં પોલીસ અધિક્ષક તરીકે તૈનાત હતા. સિંધુના પિતા જ્યારે તેને ડ્યુટી પર મળ્યા ત્યારે દીકરીને સલામી આપીને મળ્યા હતા, જેની લાગણીશીલ તસવીરો સોશિયલ મીડિયા પર જોવા મળી હતી.
