પંજાબના મોહાલીમાં એક યુવકે પોતાની ગર્લફ્રેન્ડને કોઈ બીજા યુવક સાથે જોઈને પોતાનું માનસિક સંતુલન ગુમાવ્યું. યુવકએ પિસ્તોલથી ઘણી ફાયરિંગ કરી. સારી વાત એ રહી કે અહીંયા કોઈપણ જાનહાની થઇ હતી નહિ. પોલીસ આ કેસમાં તપાસ કરી રહી છે.મોહાલીના ફેઝ-7 સ્કૂટર માર્કેટમાં સોમવારે મોડી રાત્રે એક યુવતી સાથે મિત્રતાના મુદ્દે યુવકોના બે જૂથ વચ્ચે ઝપાઝપી એટલી હદે થઈ ગઈ કે એક જૂથના યુવકે ગુસ્સામાં પોતાની પિસ્તોલ કાઢી અને 4-5 હવામાં ફાયરિંગ કર્યું.
જો કે આમાં કોઈ જાનહાની થઈ નથી, પરંતુ પોલીસે અજાણ્યા યુવકો સામે શહેરનું વાતાવરણ બગાડવા અને આર્મ્સ એક્ટની કલમો હેઠળ ગુનો નોંધીને તપાસ શરૂ કરી છે. આરોપી યુવકો હજુ પણ પોલીસની પકડમાંથી નાસી છૂટ્યા છે અને પોલીસની અલગ-અલગ ટીમ તેમની શોધમાં દરોડા પાડી રહી છે.
પોલીસના સૂત્રો મુજબ આ કિસ્સો એક યુવતીની બે અલગ અલગ યુવકો સાથે મિત્રતાથી જોડાયેલ છે. સોમવાર રાત્રે 11 વાગે યુવતી પોતાના બોયફ્રેન્ડ સાથે ફરવા આવી હતી પણ આ વાતની જાણ યુવતીના પહેલા બોયફ્રેન્ડને થઇ જાય છે. પછી તે અમુક યુવકોને સાથે લઈને ત્યાં આવે છે અને યુવતી સાથે મિત્રતાએ લઈને યુવકના બંને જૂથ વચ્ચે ખુબ બોલચાલ થાય છે.
વિવાદ એટલો વધી ગયો કે એક જૂથના યુવકે ગુસ્સામાં પિસ્તોલ કાઢી અને 4-5 હવામાં ફાયરિંગ કર્યું. ગોળીબારનો અવાજ સાંભળીને આસપાસના તમામ લોકો તક જોઈને ભાગી ગયા હતા. મામલો મળતા જ મટૌર પોલીસ ઘટનાસ્થળે પહોંચી હતી અને અજાણ્યા યુવકો સામે ગુનો નોંધી તપાસ શરૂ કરી હતી. મટૌર પોલીસ સ્ટેશનના પ્રભારી એસએચઓ નવીનપાલ સિંહે જણાવ્યું કે શહેરની મધ્યમાં ફાયરિંગના મામલામાં તપાસ શરૂ કરવામાં આવી છે. આરોપી યુવકોની ઓળખ માટે ઘટનાસ્થળની આસપાસના સીસીટીવી કેમેરાને સ્કેન કરવામાં આવી રહ્યા છે.
