ઇન્ટરનેશનલ કાઈટ ફેસ્ટિવલમાં 108 ફોટો લાંબો પતંગ આકર્ષણનું કેન્દ્ર બન્યો, જેણે અન્ય પતંગબાજનો ઉત્સાહ વધાર્યો.

સુરતમાં યોજાયેલા આંતરરાષ્ટ્રીય પતંગ મહોત્સવમાં સુરતની એક પતંગ ટીમે મોટું આકર્ષણ જમાવ્યું હતું. નહિવત પવનના કારણે વિદેશી પતંગ બાજ બેસી રહ્યા હતા. જ્યારે સુરતના આ પતંગ બાજે 108 ફૂટ લાંબો પતંગ ચગાવીને લોકો અને અન્ય પતંગબાજનો ઉત્સાહ વધાર્યો હતો.

સુરતના રિવરફ્રન્ટ સ્થિત ગુજરાત સરકાર સુરત મહાનગરપાલિકા દ્વારા આ પતંગ મહોત્સવ યોજાયો હતો. જેના ઉદ્ઘાટન સમયે ઓછા પવનના કારણે પતંગ મહોત્સવ ફિક્કો બન્યો હતો. જેના કારણે વિદેશના મોટા પતંગ ચગી શક્યા નહોતા. જ્યારે આંતરરાષ્ટ્રીય પતંગ મહોત્સવમાં અનેક મેડલ જીતનાર સુરતના એક ગ્રુપ પે 108 ફૂટનો ઈન્ડોનેશિયામાં બનાવેલો ડ્રેગન પતંગ ચગાવ્યો હતો.

વિદેશના અનેક કાઈટ ફેસ્ટિવલમાં ભાગ લઈને ચાર જેટલા ગોલ્ડ મેડલ જીતનાર સુરતની આ ટીમે સુરતીઓને ખુશ કરી દીધા હતા વ્યવસાય ઇલેક્ટ્રિકલ એન્જિનિયર એવા સુરતના આ પતંગબાજને આ પતંગ બનાવતા છ મહિના જેટલો સમય થયો હતો. આ ડ્રેગન પતંગ બનાવીને તેઓએ ચાઇનામાં જઈને ડ્રેગનને હરાવી ગોલ્ડ મેડલ પ્રાપ્ત કર્યો હતો.