છેલ્લા એક વર્ષમાં કોવિડ-19 રોગચાળાનાપછી અસંખ્ય લોકોના મોત થઈ રહ્યા છે, મુખ્યત્વે હૃદયરોગના હુમલાને કારણે યુવાનોમાં મોતના કિસ્સા વધી રહ્યા છે. ખાસ કરીને યુવાન વ્યક્તિઓમાં હાર્ટ એટેક-સંબંધિત જાનહાનિમાં વધારો એ ચિંતાજનક છે. ત્યારે એક દુઃખદ ઘટનામાં વાળંદ સમાજના આશાસ્પદ યુવક 24 વર્ષીય ધવલ અતુલભાઈ સુરાણીનું અકાળે અવસાન થયું છે.
વાંકાનેરના ધુનવા ખાતે આવેલી ICICI બેંકમાં આસિસ્ટન્ટ બ્રાંચ મેનેજર તરીકે ફરજ બજાવતા ધવલ બેંકની મોરબી શાખામાં ગયા હતા. દુર્ભાગ્યે તેમની મુલાકાત દરમિયાન તેમને અચાનક હૃદયરોગનો હુમલો આવ્યો અને તેમને તાત્કાલિક મોરબીની ખાનગી હોસ્પિટલમાં લઈ જવામાં આવ્યા હતા. સારવારના પ્રયાસો છતાં તેમનો જીવ બચાવી શકાયો ન હતો અને તેમનું મૃત્યુ થયું હતું.
એવું બહાર આવ્યું કે આ હૃદયદ્રાવક ઘટનાના માત્ર 20 દિવસ પહેલા જ ધવલની સગાઈ થઈ ગઈ હતી. તેમના અવસાનના સમાચારે માત્ર તેમના પરિવાર પર જ નહીં, પરંતુ સમગ્ર સમાજમાં પણ શોકની લાગણી છવાઈ ગઈ છે, અને ખાસ કરીને યુવાન દંપતિના પરિવારમાં શોકનો માહોલ છે જેમના લગ્ન જીવનની સફર શરૂ થયા પહેલા જ પૂરી થઈ ગઈ છે.
