જામનગરમાં વહેલી સવારે ભયાનક દુર્ઘટના બનતા એક વ્યકતિનું મોત થયું હોવાનું સામે આવ્યું છે. જામનગરમાં આવેલ નવી સાધના કોલોનીમાં આ ઘટના બની હોવાનું સામે આવ્યું છે.
આ ઘટનાની પ્રાપ્ત માહિતી અનુસાર જામનગરમાં નવી સાધના કોલોનીમાં આવેલ હાઉસિંગ બોર્ડનો ફ્લેટ ધરાશાયી થયો છે. જો કે ચોમાસામાં દરમિયાન આવી ઘટનાઓ બને છે જે ઘણા જુના ફ્લેટ હોય તે પાણીના પ્રવાહને કારણે ધરાશાયી થઇ જાય છે. જેમાં ઘણા લોકોના મોત થતા હોવાનું અવારનવાર જાણવા મળે છે. ત્યારે આવી જ ઘટના જામનગરમાં નવી સાધના કોલોનીમાં આવેલ હાઉસિંગ બોર્ડમાંથી સામે આવ્યો છે.
જામનગરમાં નવી સાધના કોલોનીમાં M67 બ્લોક ધરાશાયી થયો છે. આ ઘટનામાં એક વ્યકતિનું મોત થયું હોવાનું પણ સામે આવ્યું છે. જો કે ઘટના આજે વહેલી સવારે બની હોવાનું સામે આવ્યું છે. આ પહેલા પણ જામનગરમાં હાઉસિંગ બોર્ડનો ફ્લેટ ધરાશાયી થયો હોવાની ઘટના સામે આવી હતી. ત્યારે આજે સવારે વધુ એક વખત હાઉસિંગ બોર્ડનો ફ્લેટ ધરાશાયી થયો છે.
જો કે વહેલી સવારે આ ધડાકાભેર સાથે ફ્લેટ ધરાશાયી થતાં આસપાસના લોકો દોડી આવ્યા હતા. અને લોકોના ટોળા વળી ગયા હતા. અને ફસાયેલ લોકને બહાર કાઢવાની કામગીરી હાથ ધરી હતી જેમાં એક વ્યક્તિ દબાયો હતો જેનું મોત નીપજ્યું છે.
જો કે આ પહેલા પણ જામનગરમાં હાઉસિંગ બોર્ડનો ફ્લેટ ધરાશાયી થતા મનપા અને હાઉસિંગ બોર્ડે આ વિસ્તારમાં જર્જરિત પ્લોટોમાં નોટિસ આપી હતા. ત્યારે આ ઘટના દરમિયાન 6 લોકોનાં મોત થયા હોવાનું જણાવવામાં આવ્યું હતું.
