કર્ણાટકની ચૂંટણી જેમ જેમ નજીક આવી રહી છે તેમ તેમ વડાપ્રધાન નરેન્દ્ર મોદીને અપશબ્દો બોલવાની યાદીમાં વધારો થઈ રહ્યો છે. હવે પીએમ મોદીને કોંગ્રેસ તરફથી 92મી ગાળો આપવામાં આવી છે. કોંગ્રેસ અધ્યક્ષ મલ્લિકાર્જુન ખડગે (Mallikarjun Kharge)ના પુત્ર પ્રિયંક ખડગેએ પીએમ મોદી (Narendra Modi) માટે અપશબ્દોનો ઉપયોગ કર્યો છે. પ્રિયંક ખડગેએ કહ્યું કે જો આવો *** પુત્ર હશે તો ઘર કેવી રીતે ચાલશે. પ્રિયંકે કહ્યું કે પોતાને બંજારાના પુત્ર ગણાવતા પીએમએ તેમના માટે જ અનામતમાં સમસ્યા ઊભી કરી.
વાસ્તવમાં પ્રિયંક ખડગે બંજારા સમુદાયની એક રેલીને સંબોધિત કરી રહ્યા હતા. આ દરમિયાન તેમણે મોદી (Modi)નો ઉલ્લેખ કરતા કહ્યું, “જ્યારે તમે કલબુર્ગી આવ્યા હતા, ત્યારે તમે બંજારા સમુદાયને કહ્યું હતું કે ચિંતા ન કરો. તમે તેમને કહ્યું કે બનારસનો દીકરો દિલ્હીમાં બેઠો છે.” પ્રિયંકે આગળ કહ્યું, “મોદી (Modi)એ કહ્યું ડરશો નહીં, બંજારાનો એક દીકરો દિલ્હીમાં બેઠો છે. જો આવો *** પુત્ર હશે તો ઘર કેવી રીતે ચાલશે? પોતાને બંજારાનો પુત્ર ગણાવતા પીએમએ તેમના માટે જ અનામતની સમસ્યા ઊભી કરી છે.”
પ્રિયંક ખડગેના નિવેદન પર બીજેપી ફરી એટેક મોડમાં આવી ગઈ છે. કેન્દ્રીય મંત્રી પ્રહલાદ જોશીએ કહ્યું છે કે જ્યારે પિતા જ તેની સાથે દુર્વ્યવહાર કરે છે ત્યારે પુત્ર પાસેથી શું અપેક્ષા રાખવી.જણાવી દઈએ કે પીએમ મોદીએ શનિવારે કર્ણાટકમાં પોતાની પ્રથમ ચૂંટણી રેલીને સંબોધિત કરી હતી. તેમની પ્રથમ રેલી બિદરના હુમનાબાદમાં યોજાઈ હતી.
આ દરમિયાન પીએમ મોદીએ કહ્યું હતું કે, “કોંગ્રેસ દરેક વ્યક્તિને નફરત કરે છે જે સામાન્ય માણસની વાત કરે છે, જે તેમના ભ્રષ્ટાચારનો પર્દાફાશ કરે છે, જેઓ તેમની સ્વાર્થી રાજનીતિ પર હુમલો કરે છે. આ ચૂંટણીમાં પણ કોંગ્રેસે ફરીથી મારી સાથે દુર્વ્યવહાર કરવાનું શરૂ કર્યું છે. અત્યાર સુધી કોંગ્રેસના લોકોએ મને ૯૧ વખત અપશબ્દો કહ્યા છે.
