મહિલા પેસેન્જર પર પેશાબ કરવાની ઘટના બદલ એર ઈન્ડિયાના CEO એ માફી માંગી, લીધો આ મોટો નિર્ણય

એર ઈન્ડિયાના ચીફ એક્ઝિક્યુટિવ ઓફિસર (CEO) કેમ્પબેલ વિલ્સને શનિવારે ન્યૂયોર્ક-દિલ્હી ફ્લાઈટમાં એક મહિલા પેસેન્જર પર પેશાબ કર્યા બાદ માફી માંગી હતી. આ સાથે તેણે મહિલા સાથે અભદ્ર વર્તનના મુદ્દે 4 કેબિન ક્રૂ અને એક પાયલટને કારણ બતાવો નોટિસ ફટકારી છે અને તેમને તાત્કાલિક અસરથી રોસ્ટરમાંથી દૂર કર્યા છે. આ તમામ કર્મચારીઓની ભૂમિકા પર સવાલો ઉઠી રહ્યા છે.

નોટિસમાં કહેવામાં આવ્યું છે કે ફ્લાઈટમાં દારૂ પીરસવામાં આવ્યો હતો અને તે પછી જો આવો કિસ્સો બને તો તેની તાત્કાલિક માહિતી, શું કાર્યવાહી કરવામાં આવી, કેમ વિલંબ થયો, આવી તમામ બાબતો તપાસમાં સામેલ છે. આ સાથે એર ઈન્ડિયાએ એરક્રાફ્ટમાં આલ્કોહોલ પીરસવાની તેની નીતિની સમીક્ષા કરવાનું પણ કહ્યું છે.

ટાટા ગ્રૂપની માલિકીની એર ઈન્ડિયાના સીઈઓ કેમ્પબેલ વિલ્સને શનિવારે નવેમ્બરમાં ન્યૂયોર્કથી ફ્લાઈટમાં એક મહિલા સહ-પ્રવાસી પર પેશાબ કરવા બદલ પુરુષ પેસેન્જરની માફી માંગી હતી અને કહ્યું હતું કે ચાર ક્રૂ સભ્યો અને એક પાઈલટની તપાસ કરવામાં આવશે. એરલાઇન બોર્ડ પર આલ્કોહોલ સર્વ કરવા અંગેની તેની નીતિની સમીક્ષા કરી રહી છે. ઘટનાને યોગ્ય રીતે ન સંભાળવા બદલ ટીકાઓ વચ્ચે, વિલ્સને એક નિવેદનમાં જણાવ્યું હતું કે એરલાઇન આ બાબતને વધુ સારી રીતે હેન્ડલ કરી શકી હોત અને આવા અયોગ્ય વર્તનની જાણ કરવા માટે એક મજબૂત મિકેનિઝમ બનાવવાનું વચન આપ્યું હતું.

વિલ્સને જણાવ્યું હતું કે, “એર ઈન્ડિયા ફ્લાઇટમાં બનેલી ઘટનાઓ વિશે ખૂબ જ ચિંતિત છે જ્યાં ગ્રાહકોને અમારા વિમાનમાં સવાર તેમના સાથી મુસાફરો દ્વારા દુ:ખદાયક કૃત્ય સહન કરવું પડ્યું છે. અમે આ ઘટનાઓથી દુઃખી છીએ અને માફી માંગીએ છીએ.એર ઈન્ડિયાના સીઈઓ કેમ્પબેલ વિલ્સને પણ ન્યૂયોર્ક-દિલ્હી ફ્લાઈટ દરમિયાન સહ-મુસાફર પર પેશાબ કરવાની ઘટનાની નિંદા કરી હતી. તેમણે કહ્યું કે ફ્લાઇટના પાઇલટ, કેબિન સ્ટાફના ચાર સભ્યોને કારણ બતાવો નોટિસ જારી કરવામાં આવી છે, જ્યાં સુધી તપાસ પૂર્ણ ન થાય ત્યાં સુધી તેઓને ફરજ પર તૈનાત કરવામાં આવશે નહીં.

જણાવી દઈએ કે પ્લેનમાં એક પેસેન્જરે મહિલા પર પેશાબ કર્યો હતો, જે બાદ હંગામો મચી ગયો છે. હવે આરોપી સહ-પ્રવાસી શંકર મિશ્રાની પણ ધરપકડ કરવામાં આવી છે. આ ઘટના બાદથી લોકો સોશિયલ મીડિયા પર એર ઈન્ડિયાને ટ્રોલ કરી રહ્યા છે અને આવી ઘટનાઓ માટે ફ્લાઈટમાં પીરસવામાં આવતા શરાબને જવાબદાર ઠેરવી રહ્યા છે. સોશિયલ મીડિયા પર ભારે ટીકાનો સામનો કર્યા બાદ હવે આખરે સીઈઓને માફી માંગવાની ફરજ પડી છે. તેમજ કેબિન ક્રૂના સભ્યો સામે પણ કાર્યવાહી કરવી પડશે.