ગુજરાતની ચાર રાજ્યસભાની બેઠકો માટે 27 ફેબ્રુઆરીએ ચૂંટણી યોજવાની છે. આ ચૂંટણીમાં ચારેય બેઠકો પર ભાજપના ઉમેદવારોની બિનહરીફ જીત થવાની હોવાનું સમાચાર સામે આવ્યા છે. હાલની 4 બેઠકમાંથી 2 કોંગ્રેસ જ્યારે 2 બેઠકો ભાજપ પાસે રહેલી છે. વર્તમાન ચૂંટણીના સમીકરણો મુજબ 36 વોટ સાથે એક બેઠક પર જીત પ્રાપ્ત થાય છે.
તમને જણાવી દઈએ કે, ચાર બેઠકો માટે 144 સભ્યોના બળની જરૂરીયાત હોય છે. ભાજપ પાસે 156 બેઠકો રહેલી છે. રાજ્યસભાની યોજાનાર ચૂંટણીમાં પ્રત્યેક ધારાસભ્યના મતનું મૂલ્ય 100 પોઈન્ટનું રહેલું છે. ગુજરાત વિધાનસભાની ચૂંટણી બાદ ચાર ધારાસભ્યના રાજીનામા બાદ હાલ 175 સભ્યોની સંખ્યા રહેલી છે. 178 ધારાસભ્યોમાંથી ભાજપ પાસે 156 બેઠકો અને કોંગ્રેસ પાસે 15 બેઠકો રહેલી છે. તેની સાથે વિધાનસભામાં આપ ના 4, સમાજવાદી પાર્ટીના 1 તેમજ અપક્ષના 2 ધારાસભ્યો રહેલા છે.
તેની સાથે 182 બેઠકની વાત કરવામાં આવે તો તેમાંથી કોગ્રેસના 2, આપ અને અપક્ષના 1-1 ધારાસભ્ય દ્વારા રાજીનામું આપવામાં આવ્યું છે. વર્તમાન સમીકરણને જોતા તમામ 4 બેઠકો પર જીત સાથે રાજ્યની 10 બેઠકો પર ભાજપનો કબ્જો રહેવાનો છે. રાજ્યસભાની 11 માંથી ફક્ત 1 બેઠક કોંગ્રેસ પાસે રહેવાની છે. જેમાં વર્તમાન શક્તિસિંહ ગોહિલ સાંસદ રહેલ છે.
