દિલ્હીમા કંઈક મોટું થવાના એંધાણ: જામા મસ્જિદ પર મોટી સંખ્યામાં લોકો ભેગા થયા,પોલીસ પણ એક્શન મોડમાં

નાગરિકતા કાયદા વિરુદ્ધ દેશભરમાં હિંસક પ્રદર્શનો થઇ રહ્યા છે.ગઈકાલે લખનૌ અને અમદાવાદમાં પણ હિંસક પ્રદર્શન થયું હતું ત્યારે હવે આજે દિલ્હીની જામા મસ્જિદની બહાર હજારો લોકો વિરોધ-પ્રદર્શન માટે ભેગા થયા છે. પ્રદર્શનકારીઓને ધ્યાનમાં લેતા મોટી સંખ્યામાં પોલીસ બંદોબસ્ત ગોઠવવામાં આવ્યો છે.અહીંથી ભીમ આર્મીએ માર્ચ કાઢવાની શરૂઆત કરી છે.માર્ચ જંતર-મંતર સુધી જશે.પોલીસે ભીમ આર્મીને માર્ચની મંજૂરી આપી નથી એટલે પોલીસ સાથે ઘર્ષણ થવાના પુરા એંધાણ છે.

જામા મસ્જિદની બહાર હજારો વિરોધીઓ સીએએ વિરુદ્ધ સૂત્રોચ્ચાર કરી રહ્યા છે. નજીકમાં આવેલ દિલ્હી ગેટ મેટ્રો સ્ટેશન પણ બંધ કરાયું છે.વિરોધ પ્રદર્શનના કારણે એરલાઈન્સના ક્રૂ મેમ્બર્સને એરપોર્ટ સુધી પહોંચવામાં મુશ્કેલી થઈ રહી છે. ઘણી ફલાઇટ લેટ ચાલી રહી છે તો ઘણી ફ્લાઇટને ડાઇવર્ટ કરવામાં આવી છે. દિલ્હીમાં જુમ્માની નમાઝ પછી ઘણી જગ્યાએ વિરોધ પ્રદર્શનની જાહેરાત કરવામાં આવી છે. ડીએમઆરસીએ આજે 3 મેટ્રો સ્ટેશન બંધ રાખવાનો નિર્ણય લીધો છે. ગઈકાલે પણ 20 જેટલા મેટ્રો સ્ટેશન બંધ રાખવામાં આવ્યા હતા.

ઉત્તર પ્રદેશના ફિરોઝાબાદમાં સિટિઝનશિપ એમેન્ડમેન્ટ એક્ટનો વિરોધ યોજાયો હતો. અહીં વિરોધ પ્રદર્શન કરનારાઓએ પોલીસ પર પથ્થરમારો કર્યો, તેના જવાબમાં પોલીસ તરફથી ટીયર ગેસના શેલ કા wereવામાં આવ્યા. ફિરોઝાબાદ ઉપરાંત યુપીના મુઝફ્ફરનગરમાં પણ પથ્થરમારો થયો હતો. પોલીસે વિરોધ કરનારા પર લાઠીચાર્જ પણ કર્યો હતો.

ગુરુવારે લાલ કિલ્લા, મંડી હાઉસ અને મંચર પર વિરોધ પ્રદર્શન કરવામાં આવ્યા હતા. પ્રદર્શનકારીઓની અટકાયત કરીને બવાના, નાંગલોઈ અને કેશવપુરમમાં જેલમાં મોકલી દેવામાં આવ્યા હતા. પોલીસે યોગેન્દ્ર યાદવ, પ્રશાંત ભૂષણ,ઉમર ખાલીદ સહિત 1200 લોકોની ધરપકડ કરી હતી.