KBC 15માં અમિતાભ બચ્ચને સચિન તેંડુલકર અંગે આ પ્રશ્ન પૂછ્યો, ક્રિકેટરના ચાહકો પણ જવાબ નહિ આપી શકે

‘કૌન બનેગા કરોડપતિ’ની 15મી સીઝન ચાલી રહી છે. ઘણા સ્પર્ધકો શોમાં શાનદાર પ્રદર્શન કરી રહ્યા છે અને મોટી રકમ જીતી રહ્યા છે. અત્યાર સુધી આ શોમાં બે સ્પર્ધકો છે જેમણે 1 કરોડ રૂપિયાની રકમ જીતી છે. આ યાદીમાં જસકરણ અને જસનીલના નામ સામેલ છે. ગઈકાલે અમિતાભ બચ્ચને રમતની શરૂઆત શાનદાર રીતે કરી હતી. ગુજરાતની વૈશાલી હોટ સીટ પર રોલઓવર કન્ટેસ્ટન્ટ તરીકે જોવા મળી હતી. વૈશાલી એક વિદ્યાર્થી છે જે પોતાના અભ્યાસનો ખર્ચ પોતે ઉઠાવે છે.

અમિતાભ બચ્ચન સાથેની વાતચીત દરમિયાન વૈશાલીએ કહ્યું કે તે જીતેલી રકમ સાથે તેના ભાઈને સારું શિક્ષણ આપવા માંગે છે. તેણે એ પણ જણાવ્યું કે તે તેના પિતાને સ્ટાર્ટ અપ શરૂ કરવામાં પણ મદદ કરશે. જ્યારે અમિતાભે પૂછ્યું કે તે પોતાના માટે શું કરશે તો તેનો જવાબ હતો કે તે પોતાના માટે એક સારો ફોન ખરીદશે, જેમાં વધુ જગ્યા હશે અને તે તેના અભ્યાસ સામગ્રીની ફાઇલો તેમાં રાખી શકશે.આ પછી સવાલોનો દોર શરૂ થયો. વૈશાલી 6 પ્રશ્નોના સાચા જવાબ આપીને 20 હજાર રૂપિયા જીતી ચૂકી છે. આ પછી 7મો પ્રશ્ન આવ્યો, જે 40 હજાર રૂપિયાનો હતો, જેનો વૈશાલીએ ખૂબ જ સરળતાથી જવાબ આપ્યો.

40 હજાર રૂપિયાનો પ્રશ્ન: આમાંથી કયું નૃત્ય કેરળનું છે?
વિકલ્પો:

વિકલ્પ A (ભાંગડા)
વિકલ્પ B (કથક)
વિકલ્પ C (ઘૂમર)
વિકલ્પ D (કથક કાલી)

આ પછી રમત આગળ વધી અને 80 હજાર રૂપિયાનો પ્રશ્ન આવ્યો. અમિતાભ બચ્ચને વૈશાલીને સચિન તેંડુલકર સંબંધિત સાતમો પ્રશ્ન પૂછ્યો હતો. વૈશાલીએ પણ આ પ્રશ્નનો સાચો જવાબ ખૂબ મંથન પછી ધારી લીધો.

80 હજારનો પ્રશ્ન: 2023 માં મતદાન અંગે જાગૃતિ ફેલાવવામાં મદદ કરવા બદલ ભારતના ચૂંટણી પંચ દ્વારા નીચેનામાંથી કોને ‘નેશનલ આઇકોન’નું બિરુદ આપવામાં આવ્યું હતું?

વિકલ્પો:

આશા ભોંસલે
ઉસ્તાદ અમજદ અલી ખાન
સચિન તેંડુલકર
રણબીર કપૂર

સાચો જવાબ- સચિન તેંડુલકર

ટીવી પર વર્ષોથી પ્રસારિત થતો શો ‘કૌન બનેગા કરોડપતિ’ હંમેશા લોકોના દિલ જીતવામાં સફળ રહ્યો છે. આ શોએ અમિતાભ બચ્ચનને દરેક ઘરમાં એક અલગ ઓળખ આપી છે. હોટ સીટ પર બોલાવવાની અને સવાલો પૂછવાની તેમની સ્ટાઇલે લોકોને દિવાના બનાવી દીધા હતા. ‘કૌન બનેગા કરોડપતિ’ની 15મી સીઝન સોની ટીવી અને સોની લિવ પર બતાવવામાં આવી રહી છે. આ શો રાત્રે 9 વાગ્યાથી પ્રસારિત થશે.