ઇસ્કોન બ્રીજ પર સર્જાયો વધુ એક અકસ્માત, એક સાથે ચાર કાર ટકરાતા બ્રીજ પર કારની લાંબી લાઈનો લાગી
![](/wp-content/uploads/2023/07/dqwdq.jpg)
અમદાવાદ શહેરના ઇસ્કોન બ્રીજ પર ગત રોજ મોડી રાત્રે બે ગોઝારા અકસ્માત સર્જાયા હતા. જેમાં 9 લોકોનું મોત નીપજ્યું હતું તો અનેક લોકો ગંભીર રીતે ઇજાગ્રસ્ત થયા હતાં. આ ઘટનાને હજુ 24 કલાક પણ પુરા નથી થયા ત્યાં તો ઇસ્કોન બ્રીજ પર આજ રોજ વધુ એક અકસ્માત સર્જાયો છે. જોકે સદ્દનસીબે આ અકસ્માતમાં કોઈ મોટી જાનહાનિ થઈ નથી.
પ્રાપ્ત માહિતી અનુસાર, અમદાવાદ શહેરના ઇસ્કોન બ્રિજ પર એક સાથે ચાર કાર એકબીજા સાથે અથડાતા અકસ્માત સર્જાયો હોવાની ઘટના સામે આવી છે. આ અકસ્માતને પગલે કારની લાંબી લાઈનો ઇસ્કોન બ્રિજ પર લાગી છે. ત્યારે આ અકસ્માતની જાણ થતાં જ પોલીસનો કાફલો તાત્કાલિક અસરથી ઘટના સ્થળ પર દોડી આવ્યો હતો. જો કે, આ ઘટનામાં સદનસીબે કોઈ મોટી જાનહાનિ થઈ નથી.
તમને જણાવી દઈએ કે, ગત રોજ મોડી રાત્રે ઇસ્કોન બ્રીજ પર બે મોટા ગોઝારા અકસ્માત સર્જાયા હતાં. જેમાં 9 લોકોનું મોત નીપજ્યું હતું. તો અનેક લોકો ગંભીર રીતે ઇજાગ્રસ્ત થયા હતા. તો આ ઘટનાના 24 કલાક પણ પુરા થયા નથી ત્યાં જ ઇસ્કોન બ્રિજ પર એક સાથે ચાર કાર એકબીજા સાથે અથડાતા અકસ્માત સર્જાયો હતો. જેને લઈને બ્રીજ પર કારની લાંબી કતાર લાગી જતા ટ્રાફિક જામના દ્રશ્યો પણ સર્જાયા હતા. તો આ ઘટનાની જાણ થતાં જ પોલીસ કાફલો તાત્કાલિક અસરથી ઘટનાસ્થળ પર પહોંચ્યો હતો. જો કે, અકસ્માતમાં કોઈ મોટી જાનહાની થઈ ન હતી.