આજના ડિજિટલ જમાનામાં જો સોશિયલ મીડિયા ઘણું ઉપયોગી છે. પરંતુ ઘણા લોકો સોશિયલ મીડિયામાં જેમ-તેમ નિવેદન આપીને જાતે જ મુશ્કેલીને આમંત્રણ આપતા હોય છે. ત્યારે આવું જ કંઈક 18 વર્ષની ઉંમરના એક વિદ્યાર્થી સાથે બન્યું છે. સાયબર પોલીસે 27 માર્ચના રોજ એક 18 વર્ષીય કોલેજમાં અભ્યાસ કરતા વિદ્યાર્થીની ‘AkasaAir Boeing 737 Max will go down’ એવું ટ્વીટર પર લખવા બદલ ધરપકડ કરી લીધી હતી. જોકે આ દરમિયાન તેણે કહ્યું હતું કે કોઈપણ પ્રકારની ભાગદોડ મચી જાય તેવો તેનો કોઈ ઉદ્દેશ્ય નહતો. વિદ્યાર્થીએ પોસ્ટ કરી એરલાઈનને જણાવ્યું હતું કે, તેમણે ખરીદેલ એરક્રાફ્ટ ખૂબ જૂનું છે અને તેની લાઈફ પણ આના કારણે બહુ ટૂંકી છે.
ઉલ્લેખનીય છે કે, એરલાઇનના 49 વર્ષની ઉંમરના કર્મચારી એસ.આર. યાદવે આ કેસ નોંધાવ્યો હતો. તેમના જણાવ્યા અનુસાર, તેમણે મેં તેમના મેનેજર આનંદ ચૌહાણને આ મામલે એલર્ટ કર્યા હતા, જેમણે અકાસા એરલાઇનના ઇન્ટિગ્રેટેડ ઓપરેશનલ કંટ્રોલ સેન્ટર (IOCC)ના મોહિત રામચંદાનીને ઇમેઇલ દ્વારા આ મામલામાં જાણ કરી હતી. બાદમાં તમામ વડાઓને આ મામલે ઈમેલ મોકલવામાં આવ્યા હતા. ”
નિલેશ મધુરવાર કે જેઓ એરલાઇનરના મુખ્ય સુરક્ષા અધિકારી છે તેમણે ડોમેસ્ટિક એરપોર્ટને એલર્ટ કર્યું અને ફ્લાઇટ ડાઉન થઈ જશે એવો દાવો કરવામાં આવેલા મેસેજ પર તેમને એલર્ટ કરવા માટે કેસ નોંધ્યો હતો. સુરતમાં ઇન્ટરનેટ પ્રોટોકોલ દ્વારા મેસેજ વાયરલ કરનાર વિદ્યાર્થીને ટ્રેક કરવામાં આવ્યો હતો. મેસેજ વાયરલ કરનાર વિદ્યાર્થીનો દાવો દાવો હતો કે તેણે કોઈ પણ પ્રકારના ખોટા સંદેશા મોકલ્યા નથી.
તમને જણાવી દઈએ કે, આ પ્રકારનો મેસેજ ફેલાવનાર વિદ્યાર્થી સામે IPC ની લાગુ પડતી કલમો હેઠળ કેસ કરવામાં આવ્યો હતો. ત્યારે કોર્ટ દ્વાદ આ વિદ્યાર્થીને 20,000 રૂપિયાના જામીન પર મુક્ત કરવામાં આવ્યો હતો. કોર્ટે તેની પરિક્ષાની વિનંતીનપર વિચાર કર્યો હતો.
