બરાક ઓબામાએ પોતાના ફેવરિટ ગીત નું લિસ્ટ જણાવ્યું, જેમાં એક ગીત તો ભારતના સિંગર નું છે, જાણો એ સિંગર કોણ છે

યુએસના પૂર્વ રાષ્ટ્રપતિ બરાક ઓબામા સોશિયલ મીડિયા પર ઘણા સક્રિય રહે છે. 2019નું વર્ષ સમાપ્ત થઈ રહ્યું છે, તેથી તેઓએ વિચાર્યું કે તેઓ લોકોને તેમના 2019 ના પ્રિય ગીતો વિશે જણાવે. 30 ડિસેમ્બરે તેમણે એક ટ્વીટ કરીને લખ્યું- અહીં ગયા વર્ષનાં મારા પ્રિય ગીતો છે. જો તમે કોઈ એવી વસ્તુ શોધી રહ્યા છો જે તમને લાંબી ડ્રાઇવ અથવા વર્કઆઉટ માટે પ્રેરણારૂપ બનાવી શકે, તો હું આશા રાખું છું કે આમાંથી એક કે બે ગીતો તમને મદદ કરશે.

લોકો તેમની ટ્વિટ જોઇને ખૂબ જ ખુશ છે. ખાસ કરીને ભારતમાં, કારણ કે એ યાદીમાં એક ભારતીય ગાયકનું નામ છે. અને આ નામ પ્રતિક કુહર છે. પ્રતિકનું ગીત ‘કોલ્ડ મેસ’ ઓબામાની યાદીમાં છે.પ્રિતિક ખૂબ ખુશ થયો અને તેણે બરાક ઓબામાને આભાર પણ કહ્યું. તેણે પોતાની ટ્વિટમાં લખ્યું- તે હમણાં જ થયું અને મને નથી લાગતું કે હું આજે સૂઈ શકીશ. મને ખબર નથી કે ‘કોલ્ડ મેસ’ ગીત તેમની પાસે કેવી રીતે પહોંચ્યું. પણ આભાર

કોણ છે ગાયક પ્રતીક ?

પ્રિતિક કુહરનો જન્મ જયપુરમાં થયો હતો. તેણે દસમાં ધોરણમાં જ ગિટાર વગાડવાનું શીખી લીધું હતું. કોલેજમાં આવતાની સાથે જ તેમણે ગીતલેખનની પ્રેક્ટિસ શરૂ કરી. તેમણે મહારાજા સવાઈ માનસિંહ સ્કૂલમાંથી હાઇસ્કૂલ પૂર્ણ કરી. ત્યારબાદ ન્યુ યોર્ક યુનિવર્સિટીમાંથી ગણિત અને અર્થશાસ્ત્રનો અભ્યાસ કર્યો. પણ મન ફક્ત સંગીતમાં જ રહેતું. એટલા માટે જ તે સંગીતની સંપૂર્ણ સમયની કારકિર્દી બનાવવા માટે દિલ્હી આવ્યો હતો.