બિલ ગેટ્સે PM મોદીને લખ્યો પત્ર: કોરોના સામેની લડાઈ મામલે કર્યા ભરપૂર વખાણ
તમામ દેશોમાં કોરોનાને લગતી જુદી જુદી વ્યૂહરચનાઓ છે અને તેઓ રોગચાળાને પોતાની રીતે અટકાવવાનો પ્રયાસ કરી રહ્યા છે. ભારતે આ રોગચાળો દેશમાં ફેલાતો અટકાવવા માટે પણ વ્યૂહરચના ઘડી છે, જેમાં 24 એપ્રિલે લોકડાઉન ની ઘોષણા કરવામાં આવી હતી.હવે વડા પ્રધાન નરેન્દ્ર મોદીના કોરોના સામેની લડાઈના પ્રયત્નોની પ્રશંસા થઈ રહી છે. વિશ્વની દિગ્ગ્જ કામોની માઈક્રોસોફ્ટના સ્થાપક બિલ ગેટ્સે પીએમ મોદીને પત્ર લખીને કોરોના રોગચાળા સામે તેમની તૈયારીની પ્રશંસા કરી હતી.
પત્રમાં તેમણે પીએમ મોદીના નેતૃત્વ હેઠળ કોરોના રોગચાળા અંગે સરકારે લીધેલા પગલાંને ન્યાયી ઠેરવ્યા છે. તેમણે કહ્યું કે ‘હું કોરોના રોગચાળાના ચેપને રોકવા માટે તમારા નેતૃત્વની તેમજ તમારા અને તમારી સરકારના સક્રિય પગલાઓની પ્રશંસા કરું છું’.
Bill Gates writes to Prime Minister Narendra Modi: …expanding focused testing to identify hot spots for isolation, quarantining, and care, and significantly increasing health expenditures to strengthen the health system response and promote R&D and digital innovation.
— ANI (@ANI) April 22, 2020
બિલ ગેટ્સે પત્રમાં લખ્યું છે કે ભારતમાં હોટસ્પોટને માર્ક કરવા અને લોકોને આઇસોલેશનમાં રાખવા માટે જે પદ્ધતિઓ અપનાવવામાં આવી છે તે પ્રશંસાને પાત્ર છે. આ ઉપરાંત આ રોગચાળા સામે લડવા માટે જરૂરી આરોગ્ય માળખા પર ધ્યાન કેન્દ્રિત કરવામાં આવ્યું છે, જે પ્રશંસનીય છે.તેમણે લખ્યું છે કે ભારત સરકાર સંશોધન અને વિકાસ તેમજ આ રોગચાળાને લગતી ડિજિટલ નવીનતા પર ધ્યાન કેન્દ્રિત કરે છે. ખાસ કરીને બિલ ગેટ્સે આરોગ્ય સેતુ એપ્લિકેશનની પ્રશંસા કરી છે.
બિલ ગેટ્સે પત્રમાં આરોગ્ય સેતુ એપ્લિકેશનનો ઉલ્લેખ કરતા કહ્યું કે, મને ખુશી છે કે તમારી સરકાર કોરોના રોગચાળા સામે લડવામાં તેની ડિજિટલ ક્ષમતાનો પૂર્ણ ઉપયોગ કરી રહી છે. વધુ સારું વિચાર એ છે કે આરોગ્ય સેતુ એપ્લિકેશન બનાવવી, કે જે કોરોના વાયરસ ટ્રેકિંગ, સંપર્ક તપાસ તેમજ લોકોને આરોગ્ય સેવાઓ સાથે જોડવા સાથે કામ કરે છે.